त बिना न दशै आउँछ न तिहार आउँछ
छोरा ! अक्षता थाप्न कैले तेरो निधार आउँछ ।।

धन पैसा भन्दै कति बेच्छस् रगत र पसिना
छोरा, सम्पत्ति भन्दा पहिले परिवार आउँछ ।।

त ! पैसा कमाएर हाम्लाई संसार घुमाउछु भन्छस्
छोरा ! त फर्की आए हाम्लाई संसार आउँछ ।।

गए पछि नफर्किने समय र जोवन मात्र हो
छोरा ! हात मुख जोड्ने उपाय त हजार आउँछ ।।

चटक्कै भुलिजाने निस्ठुरी खै कसरी बन्न सकिस्
छोरा ! रस खोजेर मौरी पनि सांझ आफ्नो घर आउँछ ।।

खुब मजाले खान्थिस, खसिको भुटनसंग सेल
छोरा ! खसी भुट्दा सेल हाल्दा झल्झली तेरो अनुहार आउछ।।

त बिना न दशै आउँछ न तिहार आउँछ
छोरा ! अक्षता थाप्न कैले तेरो निधार आउँछ ।।

(शिक्षक: बिशाल भट्टराई,  कामना ईन्टरनेशनल स्कुल/कलेज, सानोभर्यांग काठमाडौं)