काठमाडौं। चलचित्र विकास बोर्डले छात्रवृत्तिका लागि आवेदन माग गरेको छ। चलचित्र सम्बन्धी अध्ययन, अनुसन्धान एव विद्वत्वृत्तिका लागि प्रोत्साहन गर्न बोर्डले प्रदान गर्दै आएको छात्रवृत्तिका लागि आवेदन माग गरिएको हो ।

सम्बन्धित विषयमा अध्ययनरत योग्य नेपाली विद्यार्थीले अनुसन्धाता तथा शोधकर्ताबाट तोकिएका प्रमाण र कागजातसहित १५ दिनभित्र आवेदन दिनु पर्नेछ ।

यसअघि माग गरिएको आवेदनमा आएका सबै दरखास्त रद्ध गरेर पुनः नयाँ आवेदन आह्वान गरिएको बोर्डले स्पष्ट पारेको छ । ‘…सम्पूर्ण दरखास्तहरू विशेष कारणवस यसै सूचनाबाट रद्ध गरिएको व्यहोरा जानकारीका लागि अनुरोध छ ।’ सूचनामा उल्लेख छ ।