काठमाडौं । नेकपा (माओवादी केन्द्र)का नेता एवम् पर्यटन तथा संस्कृतिमन्त्री सुदन किराँतीले इसाई धर्म नमान्नेहरु संविधान विरोधी भएको अभिव्यक्ति दिएका छन् । ख्रिष्टियन महासंघको काठमाडौंमा आयोजित कार्यक्रममा बोल्दै किराँतीले यस्तो अभिव्यक्ति दिएका हुन् ।
“क्रिश्चियनलाई मान्दिन भन्नु संविधान मान्दिन भन्नु हो, संविधान मान्दिन भन्ने देशद्रोही हुन्”, उनले भनेका छन्, “यदि कसैले देशद्रोह गर्छ भने त्यसलाई हतकडी लगाउने, जेलमा हालिदिने हो ।”
उनले प्रचण्ड जीसस क्राइस्ट जस्तै भएको बताएका छन् । उनले आफूलाई जिसस क्राइस्टको अनुयायी भएको बताएका छन् । विश्वमा इसाईहरुको जनसंख्या सबैभन्दा धेरै भएको भन्दै उनले नेपालमा पनि इसाईलाई प्रवद्र्धन गर्नुपर्ने बताए ।
“विश्वमा सबैभन्दा धार्मिक जनसंख्या क्रिश्चियनकै छ, लगभग ३० प्रतिशतभन्दा बढी छ”, उनले भनेका छन्, “संसारले मान्ने अनि हामीले नमान्ने ?”
उनले जिसस क्राइस्ट महान् नेताको रुपमा अथ्र्याएका छन् । संविधानकै घेराभित्र रहेर किश्चियनहरुले आफ्नो विकास गरिरहेको मन्त्री किराँतीको भनाई छ ।
मन्त्री किराँतीले अब हिन्दुहरुको धार्मिक बिदा कट्टा गराउने पनि बताएका छन् । नत्र क्रिश्चियनहरुले पनि सोहीअनुसार नै बिदा पाउनुपर्ने आफ्नो माग रहेको बताए ।
मन्त्री किराँतीको अभिव्यक्ति सार्वजनिक भएपछि सामाजिक सञ्जालमा चर्को विरोध भएको छ । उनको अभिव्यक्तिको धार्मिक संघ संगठनहरुले विरोध जनाएका छन् । कतिपयले राजीनामाको माग गरेका छन् भने कतिपयले आन्दोलन गर्ने घोषणा गरेका छन् ।
