काठमाडौं । नेपाल पशुपन्छी औषधी व्यवसायी संघको १४औँ राष्ट्रिय महाधिवेशन तथा ३३औँ वार्षिक साधारण सभा चितवनको नारायणगढमा हुने भएको छ । ‘आजको आवश्यकता व्यवसाय प्रवर्धनमा व्यावसायिक इमान्दारिता’ भन्ने नाराका साथ पुस २४ र २५ गते महाधिवेशन हुन लागेको हो ।
महाधिवेशनले अध्यक्षसहित तीन उपाध्यक्ष, एकजना महासचिवसहित २१ सदस्यीय कार्यसमितिको चयन समेत गर्ने छ । महाधिवेशनले पशुपन्छी उपचारका लागि आवश्यक औषधीहरूको आयात सहज गर्न जोड दिने संघका महासचिव नारायणबहादुर भुजेलले बताए ।
महाधिवेशनमा सात प्रदेश र २२ शाखाबाट प्रतिनिधि, परीवेक्षकसहित एकहजार जनाको सहभागिता हुने अपेक्षा गरिएको छ ।
नेपालमा २० वटा कम्पनीहरूले भेटेनरी औषधी भ्याक्सिन र फिड सप्लिमेन्टहरू उत्पादन तथा विक्री वितरण गर्दै आएका छन् । करीब १४० को हाराहारीमा पैठारीकर्ताहरूले औषधी भ्याक्सिनलगायतका सामग्री पैठारी गर्दै आएका छन् ।
