काठमाडौं । दक्षिण कोरियामा अब मासुका लागि कुकुर मार्न गर्न नपाइने भएको छ । सांसदहरूले नयाँ कानूनको समर्थन गरेसँगै कुकुरको मासु प्रयोग गर्न नपाइने भएको हो ।

यो कानुन सन् २०२७ सम्ममा लागु हुने भनिएको छ । कानून लागु भएसँगै दक्षिण कोरियामा कुकुरको मासु खाने शताब्दीयौँ पुरानो चलन अन्त्य हुने अपेक्षा गरिएको छ ।

पुराना दक्षिण कोरियालीहरूमाझ कुकुरको मासुको परिकार स्वादिष्ट मानिन्छ । नयाँ युवा माझ भने कुकुरको मासु खासै लोकप्रिय छैन ।

तर, नयाँ कानूनले कुकुरको मासु खान गैरकानूनी मानेको छैन । नयाँ कानूनले मासुको व्यापारका लागि कुकुरलाई मार्ने दोषीलाई तीन वर्षको जेल सजाय हुने व्यवस्था गरेको छ ।

यस्तै, मासुका लागि कुकुर पाल्ने वा कुकुरको मासु बेच्ने दोषी ठहर भएमा बढीमा दुई वर्षको जेल सजाय हुने छ । (बीबीसी)