काठमाडौं । काठमाडौं सानो-भर्यांगस्थित कामना ईन्टरनेशनल विद्यालयले आफ्नो १५औं अभिभावक दिवश भव्य रुपमा मनाएको छ । १५औं अभिभावक दिवश, विद्यालयका विद्यार्थीहरु, अभिभावकहरुका माझ निक्कै उत्साहका साथ बिशिष्ट अतिथिहरुको साथमा आफ्नै विद्यालय परिसरमा मनाएको थियो ।

कामना फाउन्डेसनका अध्यक्ष ईश्वर अर्यालको सभापतित्वमा सम्पन्न भएको उक्त कार्यक्रममा प्रमुख अतिथीको आतिथ्यता काठमाडौं शिक्षा विकास तथा समन्वय ईकाई प्रमुख विचारी प्रसाद अधिकारीले गर्नु भएको थियो । विद्यार्थी, अभिभावक, शिक्षक/शिक्षिका र विद्यालय व्यवस्थापकको निरन्तर भेटघाट, छलफल र सल्लाह सुझावको आधारमा मात्रै समय अनुसारको शिक्षा प्रदान गर्न सकिने हुदा कामना स्कुलले पनि यसतर्फ बिशेष ध्यान दिनु पर्ने उल्लेख गर्दै प्रमुख अतिथी विचारी प्रसाद अधिकारीले आफ्नो तर्फबाट शिक्षाको गुणस्तर वृद्दी गर्ने कुरामा सधै सकारात्मक सहयोग हुने वताउनु भयो ।

कार्यक्रममा विशेष अतिथीको रुपमा आमन्त्रण गरेकोमा आफु निक्कै खुशी भएको र कामनाको उज्ज्वल भविश्यको सधै कामना गर्ने शैक्षिक क्षेत्रका ध्रुवतारा, निक्कै चर्चित शिक्षाविद तथा ज्ञानोदय माविका नि-वर्तमान प्रधानाध्यापक नातिकाजी महर्जनले वताउनु भयो । कार्यक्रममा स्वागत मन्तव्य दिनुहुदै विद्यालय प्रमुख नवराज पाण्डेले, कामना विद्यालयले यहांहरुको नानीवावुहरुको उज्ज्वल भविश्यको लागी हरदम लागिरहने प्रण गर्दै, कामनाले दिने शिक्षामा ढुक्क हुन अभिभावकहरुलाई अनुरोध समेत गर्नुभयो ।

कार्यक्रममा विद्यालयका विद्यार्थीहरुद्वारा सुन्दर गायन तथा नृत्य प्रस्तुत गरिएको थियो ।

कामना विद्यालयले वर्षभरि भएका विविध विधाका उत्कृष्ट पुरस्कार विद्यार्थीहरुलाई वितरण गरेको थियो । पुरस्कार वितरण समारोहमा नागार्जुन नपाका सदस्य राम प्रसाद खनाल सहित सन्चालकहरु, पदम प्रसाद भट्टराई, हरिचन्द्र तिवारी, महेन्द्र प्रसाद अर्याल, लिला थापा लगायतको उपस्थिती थियो । यस भब्य कार्यक्रम सम्पन्न गर्न अहोरात्र खट्नुहुने कामना परिवारका सम्पुर्ण सदस्यहरुलाई शैक्षिक निर्देशक लक्ष्मण पाण्डेले धन्यवाद ज्ञापन गर्नुभयो ।

कामना ईन्टरनेशनल स्कुलले शैक्षिक गतिबिधिका अलावा समय-समयमा अरु बिबिध कार्यक्रम पनि गर्दै आएको छ । सोहि अवसरमा भर्खरै कामना ईन्टरनेशनल स्कुलमा खेलकुद सप्ताह र शैक्षिक प्रदर्शनी सम्पन्न भएको थियो ।