काठमाडौं । विस २०६५ सालमा सुरूंग निर्माण काम आरम्भ गरेर १२ वर्ष भित्रै ०७७ सालमा नै पानी खुवाउन सफल मेलम्ची परियोजना जस्तो बृहत, जटिल र ठूलो नेपालका कुनै मेगा प्रोजेक्ट आजसम्म पाईदैन। १२ वर्ष अवधि प्रोजेक्टको ईतिहासमा त्यति लामो समय हैन, यो अभूतपूर्व ऐतिहासिक सफलता हो। मेलम्चीका बिरूद्धमा नकारात्मक दृष्टिकोणहरू पस्केर रम्नेहरूका कुरा सधै गलत थिए, तिनमा कुनै तुलनात्मक दृष्टिकोण रहेको छैन।

नेपालको पूर्वाधार निर्माण ईतिहासको जानकारीबेगर मेलम्चीप्रति भ्रम सिर्जना हुदै आएको थियो र यसलाई नराम्रो प्रोजेक्टका रूपमा चित्रण गर्दै आएको हो। म चुनौती दिन्छु कुन अर्को सामान्य स्तरकै प्रोजेक्ट होला नेपालमा जो १२ वर्षमा सम्पन्न भएको होस्। चन्द्र समसेरका पालापछि मेलम्ची नै सबैभन्दा चॉडो सम्पन्न भएको ठूलो प्रोजेक्ट हो।

प्रोजेक्ट ल्याउछु भनेर घोषणा गर्दैमा प्रोजेक्ट सुरू भएको हुदैन। कुनै नेताले निर्देशन आदेश दिदैमा पनि प्रोजेक्ट निर्माण तिब्र हुनै हैन। धेरै चरणका प्राविधिक, सामाजिक, प्रशासनिक, वातावरणीय तयारी र कामहरू पूरा भएर ठेक्का लागेपछि मात्र प्रोजेक्ट निर्माण सुरू हुन्छ। सन् २००८ मा मात्र मेलम्चीको टनेल निर्माण सुरू भएको हो र यो काम पूरा गर्नमा ३ वटा अन्तर्राष्ट्रिय ठेकेदार फेरिएका थिए।

पहिले चीनिया, त्यसपछि ईटालियन र अहिले फेरि चीनिया ठेकेदारले काम लिएर फिनिशिंग काम सम्पन्न गरेर पानी खसाल्न सफल भएको छ।
ठूलो पहिरो आएर मुहानमा केही क्षति भएपछि पानी वितरण बेलाबेलामा अवरूद्ध हुन पुगेको थियो।

मेलम्चीको २७.५ किमी लामो टनेल १० अप्रिल २०१८ मा खनेर ब्रेकथ्रु भएको थियो।(कर्मचारी प्रेस)