काठमाडौं । झारखण्डमा स्पेनी पर्यटकलाई सामूहिक बलात्कार गरेको आरोपमा प्रहरीले हालसम्म चार अभियुक्तलाई पक्राउ गरेको छ ।
झारखण्डका डीजीपी अजय कुमार सिंहका अनुसार “यो घटनामा संलग्न चार अभियुक्तलाई पक्राउ गरिएको छ र अन्य तीन अभियुक्तको पहिचान भइसकेको छ। उनीहरूलाई छिट्टै पक्राउ गरिनेछ।” यस विषयको संवेदनशीलतालाई मध्यनजर गर्दै राज्यका मुख्यमन्त्री चम्पाई सोरेनले सम्पूर्ण विषयमा प्रतिवेदन माग गरेका छन् । दोषी पाइएमा कडा कारबाही गरिने उनले बताए ।
विदेशी पर्यटकको सामूहिक बलात्कारको यो घटनाले झारखण्डको प्रहरी प्रशासन र कानून व्यवस्थालाई नै प्रश्नको घेरामा ल्याएको छ । ब्राजिलमा जन्मेकी स्पेनिस युवती हियाना र उनका श्रीमान् जोन (दुवैको नाम परिर्वतन) ले २ मार्चको बिहान आफ्नो सामाजिक सञ्जाल इन्स्टाग्रामको स्टेटसमा यस्तो लेखेका थिए ।
यो दुबैको संयुक्त लेखा हो । यससँगै उनले दुईवटा भिडियो पनि पोस्ट गरेकी छन् । भिडियोमा हियाना र जोनले आफूमाथि भएको घटनाको जानकारी दिइरहेका छन् । स्पेनिस भाषामा रेकर्ड गरिएको उनको यो भिडियो सामाजिक सञ्जालमा भाइरल भइरहेको छ ।
भिडियोमा उनले भनेका छन्, “हामीलाई जे भयो, त्यो कसैसँग नहोस् भन्ने हामी चाहँदैनौँ। मलाई सातजनाले बलात्कार गरे। उनीहरूले हामीलाई कुटपिट र लुटपाट पनि गरे। उनीहरूले अरू केही गरेनन्, किनकि उनीहरू मेरो मात्रै चाहन्थे।” हामी अस्पतालमा प्रहरीसँगै छौं र यो घटना भारतमा भएको छ ।”
अर्को भिडियोमा जोन भन्छन्, “मेरो अनुहारमा क्षति पुगेको छ। तर हियानाको अवस्था मेरो भन्दा खराब छ। उनीहरूले मलाई हेल्मेटले धेरै चोटि हिर्काए। भगवानलाई धन्यवाद किनभने उनले ज्याकेट लगाएकी थिइन्। त्यसैले उनलाई अलिकति कम चोट लाग्यो।” ।”
