काठमाडौं । भ्रष्टचारमा विश्वमा नं एक देखिए पनि, राजनीतिक चेत र संस्कारमा हामी सुन्यमा नै छौ । यो कुरा हामिले भनेको भन्दा नि स्वयम प्रधानमन्त्री, पुर्व-प्रधानमन्त्रीहरुको अभिव्यक्तीबाट प्रष्ट बुझ्न सकिन्छ । संसद्मा प्रधानमन्त्री पुष्पकमल दाहालले सहकारीको पैसा हिनामिनाको आरोप खेपिरहेका गृहमन्त्री रवि लामिछानेको बचाउ गर्दै भनेका छन्, ” उहां निर्दोश हुनुहुन्छ” ।

कसैमाथी उजुरी परेपछी प्रहरीले संलग्नताका आधारमा छानविन गर्ने र अदालतले प्रमाणका आधारमा फैसला गर्ने विस्वव्यापी न्यायको सामान्य सिद्दान्तको समेत हेक्का नराखी देशका प्रधानमन्त्री गरिमामय संसदमा ढुक्कसंग बोल्छन,”उहां निर्दोश हुनुहुन्छ”। यसबाट प्रष्ट के बुझ्न सकिन्छ भने, उहां देश र जनतालाई न्याय दिने भन्दा पनि, रवि लामिछानेलाई न्याय आफै दिने र प्रधानमन्त्रीको कुर्सि जोगाउने पक्षमा उभिएको अड्कल लगाउन थालिएको छ ।

प्रमुख प्रतिपक्ष दलका सांसदहरुले ठगी प्रकरणमा परेका व्यक्तिलाई गृहमन्त्रीमा नियुक्त गर्नुको कारण मागेका थिए । मंगलबारको बैठकमा प्रधानमन्त्रीले लामिछानेविरुद्ध ठोस प्रमाण नदेखिएको र जाहेरीमा पनि नाम किटान नभएकाे भन्दै उनको बचाउ गरेका हुन् ।

‘गृहमन्त्रीको सन्दर्भमा प्रतिपक्ष दलले उठाएको कुरा सूर्यदर्शन सहकारीको लेखा समिति, ऋण समिति, कर्मचारी र कुनै पनि भूमिकामा नरहेको र अदालतमा विचाराधीन मुद्दामा कतै उहाँ जोडिएको देखिएको छैन । यो घटनामा प्रहरीले अनुसन्धान गरी बुझाएको प्रतिवेदनमा सरकारीको रकम हिनामिना गरेको अभियोगमा १९ जनालाई प्रतिवादी कायम गरी कास्की जिल्ला अदालतमा मुद्दा दर्ता भएको छ,’ प्रधानमन्त्री दाहालले भने, ‘चार जना पक्राउ गरिएको छ, बाँकी खोजी भइरहेको छ । मूल उजुरीको ६ महिनापछि रवि लामिछानेसहित १८ जना र कम्पनीलाई विपक्षी बनाए पूरक जाहेरी थियो । सो जोहेरीमा कही उहाँ हिनामिनामा संलग्न भएको प्रमाण छैन ।’

आरोपको आधारमा गृहमन्त्री लामिछानेको राजीनामा माग्ने विषय संसदीय अभ्यास अनुकूल नभएको प्रधानमन्त्रीले विपक्षी दललाई स्मरण समेत गराए ।