काठमाडौँ  । भुगोल अनुसार हावापानी वनस्पति मात्रै फरक पर्ने होईन, यसले मानवजीवनका हरेक कुराहरुमा फरक पारिरहेको हुन्छ । हाम्रो खानपानमा मात्रै होईन, धर्म संस्कृति रीति-रीवाज समेतमा फरक पार्दछ, यसरी नै ठांऊ अनुसार चाडवाड समेत फरक परिरहेको हुन्छ । हो यस्तै भुगोल अनुसारको फरक फागु पूर्णिमा अर्थात् होली पर्वमा पनि देख्न पाईन्छ ।

हिजो पहाडमा मनाईएको होली आज तराईका जिल्लामा हर्षोल्लासका साथ एक आपसमा रङ र लोला खेली आपसी सद्भाव साटेर मनाइँदै छ । आइतबार हिमाली एवं पहाडी जिल्लाहरूमा उक्त पर्व मनाइएको थियो । यो सब भुगोलका कारणले हो ।

वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व असत्यमाथि सत्यको विजयको प्रतीक, पारिवारिक एवं सामाजिक एकताका रूपमा मनाउने प्रचलन रही आएको छ ।