काठमाडौँ । राष्ट्रिपति रामचन्द्र पौडेलले चितवन र तनहुँ जोड्ने त्रिशुली नदीको नवनिर्मित पुल उद्घाटन गर्नुभएको छ । पुलको शनिबार उद्घाटन गर्नुहुँदै राष्ट्रपति पौडेलले आफु मुलुकको अभिभावकीय भूमिकामा आएदेखि नै यस पवित्र भूमि देवघाट आउने इच्चा तीब्र भएपनि विभिन्न कारणले ढिला भएको बताउनुभयो ।

‘‘तनहुँ र चितवनलाई जोड्ने नवनिर्मित त्रिशुली नदी पुलले आज भेटघाट गर्ने अवसर जुराईदियो । मुलुककै महत्वपूर्ण केन्द्र मानिएको चितवन, नवलपरासी र तनहुँको संगमस्थल यस पवित्र तपोभूमि देवघाटमा उपस्थित भएर तपाईहरूसँग भेटघाट गर्न पाउँदा मलाई खुशी लागेको छ । यहाँंसम्म आईपुग्दा गर्नुपरेका संघर्ष र अनेक अवरोधहरू तपाईँहरूबाट छिपेको छैन,’’ राष्ट्रपति पौडेलले भन्नुभयो ।