नयाँदिल्ली । नयाँदिल्लीका मुख्यमन्त्री अरविन्द केजरीवालको गिरफ्तारी मामिलामा दिल्ली उच्च अदालतले आज फैसला सुनाएको छ ।

मुख्यमन्त्री केजरीवालले दिल्लीको मदिरा घोटाला प्रकरणमा आफ्नो गिरफ्तारीलाई चुनौती दिँदै याचिका दायर गरेकोमा आज उच्च अदालतले उनको याचिका खारेज गरेको छ । उनको गिरफ्तारीलाई उच्च अदालतले कानुनी मानेको छ । आफ्नो गिरफ्तारीसँगै केजरीवालले ईडीको हिरासतमा राख्ने आदेशलाई पनि चुनौती दिएका थिय ।

अदालतको वेवबसाइटमा उपलब्ध जानकारी अनुसार न्यायाधीश स्वर्णकान्त शर्माको एकल इजलासले दिउँसो २ः३० बजे फैसला दिएको छ । यसअघि गत अप्रिल ३ मा न्यायाधीश शर्माले दुवै पक्षको करिब चार घण्टासम्म सुनुवाइ गरेपछि आफ्नो निर्णय सुनाएका थिए । आजको फैसलाले आमआदमी पार्टीलाई ठुलो धक्का दिएको छ । यसै विच आमआदमी पार्टीले सर्वौच्च अदालत जाने वा नजाने निर्णय गरिसकेको छैन ।

केजरीवालभन्दा पहिले पूर्व उपमुख्यमन्त्री मनिष सिसोदिया, पूर्वमन्त्री सत्येन्द्र जैन र राज्यसभा सांसद सञ्जय सिंह पनि मदिरा नीति मुद्दामा पक्राउ परेका थिय । यस मुद्दामा सञ्जय सिंहले सर्वोच्च अदालतबाट जमानत पाएका थिय ।

मुद्दामा अदालतले दुवै नेतालाई बोलाएको छ । यो सामना रद्द गर्न उनले गुजरात उच्च अदालतमा याचिका दायर गरेका थिए, जुन खारेज भएको थियो। यसपछि सञ्जय सिंह ८ अप्रिलमा सर्वोच्च अदालत पुगेका थिए । त्यहाँ पनि उनको निवेदन खारेज भएको थियो ।