गोरखा । तीन वटा पालिका प्रथम गोखरा अन्तरपालिका स्तरीय महिला र पुरुष दुवैतर्फको सेमिफाइनलमा पुगेको छ ।

गोरखा जिल्ला भलिबल संघले आयोजना प्रतियोगितामा सहिद लखन गाउँपालिका, भिमसेन थापा गाउँपालिका र बारपा सुलिकोट गाउँपालिका दुवैतर्फको सेमिफाइनलमा पुगेका छन् । महिलातर्फ सेमिफाइनल पुग्ने अर्को टोलीमा पालुङटार नगरपालिका छ । अजिरकोट गाउँपालिका पुरुषतर्फ सेमिफाइनल पुग्ने अर्को पालिका हो ।

महिलातर्फ सहिद लखन (८ अंक) समूह एको विजेता र भिमसेन थापा (६ अंक) उपविजेताका रुपमा सेमिफाइनलमा पुगेका छन् । त्यस्तै समूह बीबाट बारपाक सुलिकोट (९अंक) र विजेता र पालुङटार (५ अंक) उपविजेता रुपमा अन्तिम चारमा पुगेको छ । महिलाको सेमिफाइनलमा सहिद लखन र पालुङटार तथा बारपाक र भिमसेन थापाबीच हुनेछ ।

पुरुषतर्फ समूह समूह एबाट सहिद लखन (१२ अंक) विजेता र बारपाक (९ अंक) उपविजेताका रुपमा सेमिफाइनलमा पुगेका छन् । समूह बीबाट भिमसेन थापा (१० अंक) विजेता र अजिकोट गाउँपालिका (९अंक) उपविजेताका रुपमा अन्तिम चारमा पुगेका छन् । सेमिफाइनलमा सहिद लखन र अजिरकोट तथा भिमसेन र वारपाकबीच प्रतिस्पर्धा हुनेछ । पुरुषतर्फ १० र महिलातर्फ ८ टोलीको सहभागिता रहेको छ ।