काठमाडौं । एमजीको नेपालका लागि आधिकारिक बिक्रेता पारामाउण्ट मोटर्स प्रालिले नेपाली नयाँ वर्षलाई लक्षित गरेर ग्राहकका लागि नयाँ वर्ष २०८१ को बहार एमजीसँग आकर्षक उपहार नामक योजना सार्वजनिक गरेको छ । योजनाअन्तर्गत ग्राहकले सात लाखसम्म नगद छुट प्राप्त गर्न सक्नेछन् । एमजीको इभी मोडलमा ग्राहकले निःशुल्क टायर, सात किलोवाट एसी चार्जर र चालु आर्थिक वर्षको सडक कर छुटलगायतका फाइदाहरू लिन सक्ने कम्पनीले जनाएको छ ।

कम्पनीका अनुसार सुरक्षादेखि डिजाइनसम्म सबै कुराहरूमा उत्कृष्ट एमजीका सबै गाडीहरू (पेट्रोल तथा इभी)मा अफरले ग्राहकलाई एमजी गाडी किन्नमा थप प्रोत्साहन गर्नेछ । सय वर्ष लामो इतिहास बोकेको विश्वव्यापीरूपमा चर्चा कमाउन सफल बेलायती ब्राण्ड एमजीले नेपालमा पनि अत्याधुनिक प्रविधि, किफायती मूल्य, सहज यात्रा र वातावरणमैत्री विशेषताका कारण लोकप्रियता कमाउँदै आएको छ ।

हाल नेपालमा एमजी ४ इभी, जेडएस इभी, कोमेट इभी गरी तीन विद्युतीय सवारी र हेक्टर, एचएस र एसटर गरी तीन इन्धन/हाइब्रिड सवारी उपलब्ध छन् । कम्पनीका अनुसार एमजी गाडीमा अधिकतम सात लाख नगद छुटसँगै सात किलोवाटको चार्जर, अतिरिक्त टायर र चालु आर्थिक वर्षको सडक करमा छुट जस्ता थुप्रै फाइदा पाउन सकिनेछ ।