काठमाडौँ । कतिपयले सोच्ने गर्छन् कि बच्चाहरुमा देखिने स्वास्थ्य समस्या आमाको स्वास्थ्य र उनको खानपानका कारण मात्रै हुने गर्दछ ।

तर पछिल्ला केही अध्ययनहरूले पुरुषको शारीरिक स्वास्थ्यका कारण मात्र नभई मानसिक स्वास्थ्यकै कारण पनि सन्तानहरूको समस्या आउन सक्ने देखाएको छ ।

हालै मात्र गरिएको एक अध्ययनले तनावमा रहने पुरुषका बालबालिकामा मधुमेह हुने सम्भावना अत्यधिक हुने देखाएको भारतीय मिडियाले जनाएका छन् ।

अन्वेषकहरू अनुसार पुरुषमा हुने तनाव हार्मोनहरुले शुक्राणुमा परिवर्तनहरू ल्याउँछ ।

जसका कारण उक्त शुक्राणुवाट गर्भाधान भएको सन्तानमा उच्च रक्तचापको पनि समस्या देखिन सक्छ ।

मिडिया रिपोर्टका अनुसार पुरुषहरुमा हुने तनाव हार्मोनहरूलाई कम गरेर यस्तो समस्यालाई रोक्न पनि सकिने वैज्ञानिकहरूले बताएका छन् ।