हाम्रो शरीर विभिन्न कोषहरू र प्रणालीहरूले बनेको हुन्छ । कहिलेकाहीँ शरीरको जुनसुकै भागमा कोषहरू अनावश्यक रूपमा अनियन्त्रित तरिकाले बढ्न थाल्यो भने ती कोषहरूको समूहलाई ट्युमर भनिन्छ ।
यस्तो ट्युमरलाई मासु पलाएको, गाँठागुँठी, गिर्खा आदि पनि भनिन्छ । ट्युमर शरीरको जुनसुकै भागमा हुनसक्छ ।
ट्युमरका प्रकार
बेनाइन ट्युमर
यो ट्युमरले शरीरलाई खासै धेरै नराम्रो असर गर्दैन । शरीरमा हुने धेरै जसो ट्युमर बेनाइन ट्युमर नै हो । यस्तो ट्युमरलाई क्यान्सर भनिदैन । एकचोटी अप्रेसन गरेर निकालेपछि फेरी पलाएर आउँदैन ।
उदाहरणको लागि बोसोको डल्लो वा लाइपोमा, यस्ता धेरै गाँठा गुठी आयो भने त्यसलाई लाइपोमैटोसिस भनिन्छ । स्तनमा हुने फाइब्रोएडिनोमा पनि बेनाइन ट्युमर हो ।
म्यालिगन्यान्ट ट्युमर
यस्तो ट्युमरले सँगैको तन्तु तथा अङ्गलाई असर गर्नुको साथै शरीरको अरु भागमा सरेर जान्छ । मैलिगनैन्ट ट्युमरलाई क्यान्सर भनिन्छ ।
यो बेनाइन ट्युमरको दाँजोमा नराम्रो मानिन्छ । मैलिगनैन्ट ट्युमरमा कोषहरू अनियन्त्रित रूपमा बढ्दै जाने र शरीरको लागि हानिकारक हुन्छ ।
