काठमाडौं । पश्‍चिमी र स्थानीय वायुको आंशिक प्रभावका कारण आज तीनवटा प्रदेशमा हल्का वर्षा हुने जल तथा मौसम विज्ञान विभागको प्रक्षेपण छ।
विभागका अनुसार आज दिउँसो कोशी र गण्डकीलगायत देशका पहाडी भेगमा आंशिकदेखि साधारणतया बदली भई बाँकी भूभागमा आंशिक बदलीदेखि मौसम मुख्यतया सफा रहने छ।

कोशी र गण्डकीका थोरै स्थानमा मेघगर्जन र चट्याङसहित हल्कादेखि मध्यम वर्षा तथा बाँकी पहाडी भेगका १-२ स्थानमा हल्का वर्षाको सम्भावना छ।

आज राति कोशी र मधेशसहित देशका पहाडी भेगमा आंशिकदेखि साधारणतया बदली भई बाँकी भूभागमा आंशिक बदलीदेखि मौसम मुख्यतया सफा रहने छ। कोशी, वागमती र गण्डकीका पहाडी भेगका थोरै स्थानमा हल्कादेखि मध्यम वर्षाको सम्भावना छ। देशका बाँकी भूभागका १-२ स्थानमा पनि हल्का वर्षाको सम्भावना छ।