काठमाडौं । आज ५ वटा प्रदेशमा हल्का वर्षाको सम्भावना रहेको जल तथा मौसम विज्ञान विभागले जनाएको छ।

विभागका अनुसार कोशी, मधेश, वागमती, गण्डकी र लुम्बिनीका पहाडी र तराई क्षेत्रमा मेघगर्जन र चट्याङसहित हल्का वर्षाको सम्भावना छ।

पश्‍चिमी र स्थानीय वायु तथा भारतको बिहारको आकाशमा विकसित न्यून चापीय प्रणाली प्रभावका कारण आज दिउँसो देशभर आंशिकदेखि साधारणतया बदली रहने छ। कोशी, मधेश, वागमती, गण्डकी र लुम्बिनीका पहाड तथा तराई भेगमा हल्का वर्षाको सम्भावना छ।

आज राति देशभर आंशिकदेखि साधारणतया बदली रहने पूर्वानुमान छ। यस्तै, कोशी, मधेश, वागमती र गण्डकीका थोरै तथा बाँकी भूभागका १-२ स्थानमा मेघगर्जन, चट्याङ र हावाहुरीसहित हल्कादेखि मध्यम वर्षाको सम्भावना छ।