नदीनाला तर्दा सिक्का पैसा फाल्ने गरेको त पक्कै पनि देख्नु भएको छ होला । हामीमध्ये कतिपयले आफैले पनि नदी वा तलाउमा सिक्का पैसा फालेको अनुभव छ ।
मानिसहरू कुनै संकोच नै नमानी खुरुखुरु सिक्का फाल्ने गर्छन्, अझ कतिपय ठाउँमा त प्रतिस्पर्धा पनि हुने गर्छ- कसले कुन चाहिँ भाँडोमा सिक्का पार्न सक्छ भनेर । उदाहरणको लागि पशुपतिनाथमा रहेको बागमतीलाई लिन सकिन्छ ।
पछिल्ला पुस्ताले यी कुरामा विश्वास गर्दैनन् । तर यस्तो किन गरिन्छ होला । सबैको मनमा उठ्ने प्रश्न गरेको छ । आज हामी यसैका बारेमा चर्चा गर्ने छौँ ।
धार्मिक मान्यता अनुसार देवी देवतालाई पुजा गर्दा फुल माला बली चढाए जस्तै सिक्का चढाउने गरिन्छ । नदीनाला तर्दा सुरक्षित होस् भनेर फाल्ने गर्छन् ।
सामान्य अर्थमा नदीनाला, खोलामा सिक्का फाल्नुलाई धार्मिक अर्थमा भाग्य वृद्धिको रूपमा बुझिए पनि वास्तविक रूपमा वैज्ञानिक तथ्यहरू पनि छन् ।
प्राचीन समयमा सिक्काहरू प्रायः तामाबाट बनेका हुन्थे । खाने पानीको मुख्य श्रोत भनेकै खोलानाला मानिन्थ्यो । तामा हाम्रो शरीरको लागि चाहिने एक अभिन्न धातुको रूपमा लिइन्छ ।
हामीले खाने पानीमा यथेष्ट तामाको मात्रा होस् भन्ने हेतुले पुर्खाहरूले नदी नालाहरूमा तामाबाट बनेका सिक्काहरू फाल्ने गरेका थिए । तर अहिलेका सिक्काहरू तामाका हुँदैनन् तैपनि मानिसहरू त्यो पुरानो प्रथालाई अन्धविश्वासको रूपमा पछ्याउँदै आइरहेका छन् ।
