काठमाडौं । अमेरिकीमा हुन गईरहेको राष्ट्रपति चुनावले नयां-नयां मोड लिईरहेको छ । डेमोक्र्याटिक पार्टीबाट नै चुनाव लड्न पर्याप्त समर्थन नरहेपछी अमेरिकी राष्ट्रपति जो बाइडेनले चुनावी दौड छाड्ने पक्का-पक्की जस्तै भएको छ । उता अमेरिकी उपराष्ट्रपति कमला ह्यारिसले आफुले आसन्न राष्ट्रपति चुनावका लागि डेमोक्र्याटिक पार्टीबाट उम्मेदवार बन्न पर्याप्त समर्थन पाउने बताउनुभएको छ । ‘आफ्नो पार्टीबाट उम्मेदवार बन्न आवश्यक समर्थन पाउँदा गौरवान्वित महसुस गरेको छु । म चाँडै औपचारिक रूपमा मनोनयन स्वीकार गर्नेछु’, ह्यारिसले एक विज्ञप्तिमार्फत बताउनुभयो ।

डेमोक्र्याटिक पार्टीको बढ्दो दबाबका कारण अमेरिकी राष्ट्रपति जो बाइडेनले आइतबार सन् २०२४ राष्ट्रपतिय चुनावी दौडबाट बाहिरिएको घोषणा गर्नुभएको हो । उहाँले पनि डेमोक्र्याटिक पार्टीबाट राष्ट्रपति उम्मेदवारका रूपमा ह्यारिसलाई आफ्नो पूर्ण समर्थन रहेको बताउनुभएको छ । हृयारिसले पूर्वसभामुख न्यान्सी पेलोसीसहित धेरै प्रमुख डेमोक्र्याटिक व्यक्तित्वको समर्थन प्राप्त गरेको जनाइएको छ ।
(हिमालय टाईम्स)