कतिपय घरमा चराचुरुङ्गीले गुड लगाएको पाइन्छ । मौरीको घार, बारुलाको गोलोदेखि चमेरा, परेवा, भँगेरा लगायतले पनि गुड बनाउँछन् ।
वास्तुशास्त्रमा पशुपक्षी, कीरा घरमा प्रवेश गर्दा वा अनौठो व्यवहार देखाउँदा शुभ–अशुभ दुवै फल मिल्ने बताइएको छ । जीवजन्तुका घटना र व्यवहारलाई वास्तुमा सङ्केतका रूपमा समेत बुझिन्छ ।
आज हामी घरमा मौरी हुनु शुभ हो या अशुभ हो भन्ने विषयमा चर्चा गर्नेछौँ ।
मौरी यस्तो ठाउँमा बस्छ, जहाँ नकारात्मक ऊर्जा हुन्छ । मौरीलाई नकारात्मक ऊर्जा भएको ठाउँमा माता ब्राह्मणीको रूपमा मानिन्छ ।
मौरीलाई कसैले पाल्नु हुन्छ या कसैको घरमा स्वतः आए बस्छ भने मौरीले घरमा घार लगाउनु शुभ मानिँदैन ।
वास्तुशास्त्र अनुसार घरमा मौरीले घार लगाउनु कुनै ठूलो दुर्घटना वा हानी नोक्सानी हुने सङ्केत मानिन्छ । त्यसैले मौरीले घरका खोपामा घार लगाउनु शुभ मानिँदैन ।(जोय नेपाल)
