काठमाडौं । मनसुनको न्यून चापीय रेखा सरदर स्थानको केही उत्तर अर्थात नेपाली आकाशमा अवस्थित छ।

सोही कारण आज ६ वटा प्रदेशमा मुसलधारे वर्षा हुने जल तथा मौसम विज्ञान विभागले जनाएको छ।

विभागका अनुसार आज दिउँसो कोशी, वागमती, गण्डकी, लुम्बिनी, कर्णाली र सुदूरपश्‍चिमका थोरै तथा बाँकी प्रदेशका १-२ स्थानमा हल्कादेखि मध्यम वर्षा हुने सम्भावना छ। यस्तै, कोशी, वागमती, गण्डकी, लुम्बिनी र कर्णालीका केही स्थानमा मुसलधारे वर्षा हुने सम्भावना छ।

आज राति कोशी, वागमती, लुम्बिनी, गण्डकी, सुदूरपश्‍चिम र कर्णालीका केही र मधेशका १-२ स्थानमा हल्कादेखि मध्यम वर्षा हुने सम्भावना छ। यस्तै, कोशी, मधेश, गण्डकी र लुम्बिनीका केही स्थानमा भारी वर्षा हुने सम्भावना छ।