काठमाडौं । क्यानडाले चीनमा बनेका विद्युतीय सवारी साधनहरु आयात गर्दा १०० प्रतिशत कर लगाउने भएको छ। क्यानडाको यो घोषणा अमेरिका र यूरोपियन यूनियनले यसै प्रकारको घोषणा गरेको केही समयपछि आएको हो।
यसबाहेक क्यानडाले चीनबाट आयात हुने स्टील तथा आल्मुनियममा पनि २५ प्रतिशत कर लगाउने भएको छ। क्यनडा तथ उसक पश्चिमी समकक्षी देशहरुले चीनमाथि आफ्नो ईभी उद्योगलाई छुट दिएकोले कार निर्माताहरुले न्यायाविपरीत फाइदा पाएको आरोप लगाएका छन्।
चीनले आफ्नो यो कदमलाई ‘व्यापार सुरक्षा’ को संज्ञा दिएको छ जसले विश्व व्यापार संगठनको नीतिविरुद्ध रहेको बीबीसी समाचारमा उल्लेख छ।
‘हामीहरु क्यानडाको अटोमोटिभ क्षेत्रलाई भविष्यको सवारी नर्माणमा विश्वकै अग्रणीका रुपमा परिवर्तन गराउन चाहन्छौं तर चीनजस्ता पात्रहरुले आफ्ना देशका उत्पादकलाई विश्व बजारमा नीति विपरीत फाइदा दिँदै आएको छ’, क्यानडाका प्रधानमन्त्री जस्टिन ट्रडोले भने।
क्यानडाले चिनियाँ विद्युतीय गाडीहरूमा लगाउने करहरू १ अक्टोबरदेखि र स्टील तथा आल्मुनियममा १५ अक्टोबरदेखि नयाँ करप्रणाली लागू हुनेछ।
चीनको वाणिज्य मन्त्रालयका प्रवक्ताले भने, “क्यानडाका यी कदमहरूले विश्वव्यापी आर्थिक प्रणाली र व्यापारिक नियमहरूमा गम्भीर क्षति पुर्याउँछन्।” उनले थप भने, “चीनले क्यानडालाई तुरुन्तै आफ्नो गलत काम सुधार गर्न आग्रह गर्दछ।”
चीन अमेरिकापछि क्यानडाको दोस्रो ठूलो व्यापारिक साझेदार हो। गत मे महिनामा अमेरिकाले चिनियाँ विद्युतीय गाडीहरूमा लगाइने करलाई चार गुणाले बढाएर शत प्रतिशत पुर्याउने घोषणा गरेको थियो। त्यसपछि युरोपेली संघले पनि चीनमा बनेका विद्युतीय गाडीहरूमा ३६.३% सम्म कर लगाउने योजना घोषणा गरेको थियो।
क्यानडाले चिनियाँ विद्युतीय गाडीहरूमा लगाउने करमा टेस्लाले शाङ्घाई कारखानामा बनाएका गाडीहरू पनि पर्नेछन्। चीनमा आधारित कार उद्योगका टिप्पणीकार मार्क रेनफोर्डले भने, “टेस्लाले यी करहरूमा केही छुट पाउन क्यानडा सरकारसँग लबिङ्ग गर्ने सम्भावना छ, जसरी उनीहरूले युरोपमा गरिसकेका छन्।”
“यदि उनीहरूले कर घटाउन असफल भए भने, उनीहरूले आफ्नो क्यानडामा पठाइने गाडीहरूलाई अमेरिकी वा युरोपेली कारखानामा सर्न खोज्ने सम्भावना छ किनकि क्यानडा यस वर्ष उनीहरूको छैठौं ठूलो बजार हो, जसलाई नजरअन्दाज गर्न सकिँदैन।” बीबीसी न्युजबाट प्रतिक्रिया माग्दा टेस्लाले तुरुन्तै कुनै प्रतिक्रिया नदिएको समाचारमा उल्लेख छ।
यस महिनाको सुरुमा, युरोपेली संघले चीनमा बनेका टेस्लाहरूमा थप गर्ने योजना गरिएका करहरूलाई आधाभन्दा बढी कटौती गरेको थियो, जुन इलन मस्कको कार निर्माता कम्पनीले अनुरोध गरेको अनुसन्धान पछि खुलासा भएको थियो।
चिनियाँ कार ब्रान्डहरू क्यानडामा अझै सामान्य देखिने गरेका छैनन्, तर केही, जस्तै बीवाईडी, कम्पनीहरूले क्यानडाको बजारमा प्रवेश गर्ने कदम चालेका छन्। चीन विश्वकै सबैभन्दा ठूलो विद्युतीय गाडी निर्माता हो र यसको कार निर्माता कम्पनीहरूले छिटो नै विश्व बजारमा ठूलो हिस्सा लिएका छन्।
यसैबीच, क्यानडाले विश्व विद्युतीय गाडी उद्योगमा महत्त्वपूर्ण हिस्सा बन्न प्रमुख युरोपेली कार निर्माताहरूसँग अर्बौं डलरको सम्झौता गरेको छ।(टेक्नोलोजी खवर)
