काठमाडौं । विगत केहि समय देखी अमेरिकाको लस एन्जेलसमा भिषण आगलागी भएको छ । सो आगलागी नियन्त्रण बाहिर रहेको सन्चार माध्यमले जनाएका छन । त्यसैले प्रभावित क्षेत्रमा रातको समय प्रहरीले कर्फ्यू लगाएको छ । प्रहरीले ‘घृणित’लुटपाटविरुद्ध चेतावनी स्वरुप एलएको अग्नि प्रभावित क्षेत्रमा रातको समय कर्फ्यू लगाएको हो ।

यो नियम प्यासिफिक पेलिसेड्स र ईटन फायर क्षेत्रमा बढी प्रभावकारी हुने स्थानीय प्रहरी अधिकारीले जनाएका छन् । प्रहरीले भनेको छ, ‘घृणित लूटपाटमा संलग्न जो कोहीलाई गिरफ्तार गरिनेछ ।’

विनाशकारी आगलागीमा परेर हालसम्म १० जनाको मृत्यु पुष्टि भएको छ भने दशौँ हजार घर संरचना जलेर ध्वस्त भएका छन् । अमेरिकी राष्ट्रपति जो बाइडेनले एलएलाई ‘युद्ध स्थल’का रुपमा वर्णित गरेका छन् । अधिक तीब्र हावाको बेगतर्फ पुर्वानुमान गर्दै अझै पनि आगो थप फैलिन सक्ने चेतावनी दिइएको छ ।(एजेन्सी)