काठमाडौं । उत्तरी क्यारोलिनाको अवलोकन भ्रमण गरेका अमेरिकी राष्ट्रपति डोनाल्ड ट्रम्पले संघीय आपतकालीन व्यवस्थापन एजेन्सी (फेमा)लाई विघटन अर्थान् भंग गर्ने धम्की दिएका छन् ।

उत्तरी क्यारोलिनाको आँधी प्रभावित क्षेत्रको अवलोकन भ्रमणका क्रममा उनले फेमाको भूमिकाबारे कडा आलोचना गरे । आँधी प्रभावित क्षेत्रको अवलोकन लगत्तै उनी आगलागी प्रभावित लज एन्जेलसको भ्रमणमा निस्किएका छन् ।

भ्रमणका दौरान राष्ट्रपति ट्रम्पले स्थानीय नागरिकसँग भेटघाट गरे । यसैबीच, सिनेट रक्षा सचिवका रुपमा पूर्व फक्स न्यूज प्रस्तोता पीट हेगसेथको नाममा अन्तिम मतदान हुँदैछ ।