बर्दिया। बर्दिया जिल्ला अस्पताल,सेकेण्डरी ‘ए’ मापदण्ड अन्तर्गत ५० शैयाको अस्पताल ९६ अंक ल्याएर नेपालमा दोस्रो र लुम्बिनी प्रदेशमा प्रथम भएको छ । नेपालमा भक्तपुर अस्पतालले ९७ अंक ल्याएर प्रथम भएको हो ।

न्यूनतम मापदण्ड र सम्पादनको आधारमा यस वर्ष लुम्बिनी प्रदेशको १३ अस्पताल प्रथम भएको सार्वजनिक गरिएको छ । मंगलबार गुलरियामा आयोजित न्यूनतम सेवा मापदण्ड कार्यान्वयन कार्यक्रममा स्वास्थ्य सेवा विभाग उपचार महाशाखाका प्रमुख डाक्टर नरेन्द्र खनालले सार्वजनिक गर्दै उक्त कुरा बताएका हुन ।

न्यूनतम मापदण्ड सेवा(एमएसएस) मा देशभरका ५० बेड क्षमताको अस्पतालमा बर्दिया दोस्रो भएको मुल्यांकन टिमका प्रमुख समेत रहेका डाक्टर खनालले यहाँ आयोजित कार्यक्रममा सार्वजनिक गरेकी हुन् ।

स्वास्थ्य सेवा ,सरसफाई,व्यवस्थापन,इमरजेन्सी,बहिरंग सेवा, फार्मेसी, प्रयोगशाला लगायत बेरुजु समेत नदेखिएकोले अस्पतालले ९५ अंक ल्याएर उत्कृष्ट र प्रथम भएको हो,’उनले भनिन,‘जनशक्तिको अभावमा पनि अस्पतालले गरेको सेवा प्रभाव निकै सन्तोषजनक छ ।’

आर्थिक वर्ष ०७७/०७८ को मुल्यांकनको आधारमा बर्दिया अस्पताल लुम्बिनी प्रदेशमा प्रथम भएको हो । दश वर्षदेखि बर्दिया अस्पताल उत्कृष्ट अंक ल्याएर प्रथम र द्वितीय हुँदै आएको छ । सुत्केरी र शल्यक्रियामा यस अस्पतालले वर्षेनी २ हजार बढीको सेवा दिँदै आएको छ । अस्पताल विकास समितिका निर्वतमान अध्यक्ष नारायण गौतमले मुलुकमै न्यूनतम सेवा मापदण्डमा पहिलो हुनु सामान्य कुरा नभएको बताए । यहाका चिकित्सक लगायतका टिम,आम नागरिक लगायतले गरेको सहयोग बाट यो सफलता पाएको हो,’उनले भने‘अस्पतालमा जनशक्तिको अभावका बावजुद स्वास्थ्य सेवामा गरेको सेवा प्रवाह सन्तुष्ट रहेको छ ।’

५० शैयाको अस्पतालमा विशेषज्ञ जनशक्ति र उपकरणको अभावमा विरामीलाई सेवा दिँदै आएको बर्दिया अस्पतालका मेडिकल सुपरिडेन्टेड डाक्टर सुभाष पाण्डेयले बताए । जनशक्ति अभावबीच न्यूनतम जनशक्तिले पनि अत्याधुनिक प्रयोगशाला,सुत्केरी सेवा,२४ औं घण्टा ईमरजेन्सी र फार्मेसी खुला रहने गरेको मेसु डाक्टर पाण्डेयले जनाए ।

उपचार सेवा राम्रो भएपछि विगत चार वर्ष यता बर्दिया अस्पतालमा विरामीको चाप बढेको छ । औसत बहिरंग सेवामा दैनिक ३ सय ५० बढी बिरामी उपचारका लागि आउने गरेका छन् । इमर्जेन्सी सेवामा औसत दैनिक २० देखि २५ जना आउने गरेको अस्पतालले जनाएको छ ।

अस्पतालमा स्थायी,अस्थायी र करारका गरि १० जना डाक्टरले सेवा दिई राखेकाछन् । ६ वर्ष अघि ५० शैयाको अस्पताल सञ्चालन भएपनि पुरानै दरबन्दीमा काम गर्नुपर्ने बाध्यता रहेको अस्पतालका स्वास्थ्यकर्मीको भनाई छ । जिल्ला अस्पतालमा आइसियुका लागि दक्ष चिकित्सक सहित स्टाप नर्सको आवश्यकता रहेको छ । यो सुविधा पाउन साथ जटिल खालका विरामी अन्यत्र जानु पर्ने बाध्यता नहुने चिकित्सक बताउँछन् ।