काठमाडौं । पहिलो कार्यकालमा वाहवाही पाएका कुलमान दोस्रो कार्यकालमा विवादमा फस्दै गएका छन, खासगरी बिद्युत निर्यात सम्बन्धमा । बजारमा कुलमान झुठा रहेछन् र झुठको खेती गर्न सिपालु रहेछन भन्ने चर्चा चलेको बताईन्छ । यसपाली पनि यस्तै देखियो ।  चर्काे गर्मीमा तराईका जनता लोडसेडिङमा रहेका बेला नेपाल विद्युत प्राधिकरणका कार्यकारी प्रमुख कुलमान घिसिङको सचिवालयबाट रेडिमेड समाचार आयो, भारतमा विद्युत निर्यात सुरु भयो।

नेपालमा हिउँद र गर्मीमा विद्युत उत्पादन कम हुँदा भारतबाट आयात भइरहेको थियो। विद्युत पुर्याउन नसक्दा औद्योगिक क्षेत्रमा लोडसेडिङ भइरहेको थियो भने तराईमा कतिखेर बत्ती जान्छ ठेगान छैन। काठमाडौंमा पनि अघोषित रुपमा लोडसेडिङ छ।

तर, नदीहरूमा पानीको बहाव बढेर बिजुली उत्पादन बढेको भन्दै सोमबार रातिबाट (राति दैनिक चार सय मेगावाटसम्म र दिउँसो दुई सय मेगावाटसम्म बिजुली विद्युत् निर्यात भइरहेको बतायो। यो खबर मिडियामा प्राथमिकताका साथ आए। तर, बिहीबार खबर सार्वजनिक भएपछि त्यसको भेद भने शुक्रबार खुलेको छ।

नपाल उद्योग परिसंघ (सीएनआई) ले उद्योगहरुमा विद्युत कटौती विद्युत् प्राधिकरणले निर्यात गरेको खुलासा गरिदिएपछि कुलमानको झुटको भण्डाफोर भएको हो ।

परिसंघले विज्ञप्ति जारी गर्दै नेपालका उद्योगहरुमा लोडसेडिङ्ग यथावत रहेको भन्दै विद्युत प्राधिकरणले दैनिक ४०० मेगावाट विद्युत निर्यात गरेको विषयमा आपत्ति जनाएको हो। ‘सरकारले स्वदेशी उद्योगहरुको प्रवर्द्धन गर्ने, निजी क्षेत्रको मनोबल बढाउन प्रयासरत रहेको बताइरहँदा सरकारी निकाय नै रहेको विद्युत प्राधिकरणले स्वदेशी उद्योगहरुलाई मारेर कसरी विद्युत निर्यात गर्न सक्यो भन्नेमा हामी चिन्तित भएका छौँ’, परिसंघले भनेको छ।

विद्युत उत्पादन कम हुँदा आयात गरेरै भए पनि उद्योगहरुलाई विद्युत उपलब्ध गराउन आग्रह गर्दै आएकोमा प्राधिकरणले विद्युत आयात गर्दा महङ्गो पर्ने तर्क गर्दै विद्युत आयात नै नगरेको आरोप लगाएको छ। पूर्वी क्षेत्रका उद्योगहरु विगत तीन महिनाअघि देखि पर्दै आएका छन् ।

‘अहिले विद्युत बचत हुँदा पनि उद्योगहरुलाई पर्याप्त उपलब्ध नगराई निर्यात गर्नु भनेको प्राधिकरणले आफूलाई ‘खुद निर्यातकर्ता’ देखाउन खोजेको पुष्टि गरेको छ। प्राधिकरणको यस कार्यको परिसंघ खेद प्रकट गर्दछ,’ विज्ञप्तिमा भनिएको छ।

नेपालले खासगरी बर्खामा भारतमा सस्तो दरमा विद्युत निर्यात गर्छ। हिउँद र गर्मीयाममा महँगोमा विद्युत किन्छ। भारतसँगको विद्युत व्यापार घाटामा चलिरहेको छ। तर, सरकार, प्राधिकरण र कुलमान घिसिङ भने भारतमा विद्युत निर्यात हुने गरेको गफ लगाउन पछि पर्देनन्।

आगामी बर्खामा दैनिक १२ सय मेगावाटसम्म बिजुली बेच्ने लक्ष्य प्राधिकरणले राखेको छ। चालू आर्थिक वर्ष ०८०–८१ मा २१ मंसिरदेखि भारतबाट बिजुली आयात गरिएको छ । चालू आवमा १५ अर्ब ६२ करोड रुपैयाँको बिजुली आयात भएको छ भने जेठ १७ सम्म १३ अर्ब ४७ करोड रुपैयाँको निर्यात भएको छ ।