काठमाडौं । लायन्स क्लव अफ काठमाडौ साझा फुलवारीको सक्रियतामा लायन्स क्लव अफ काठमाडौं सर्भेयर्स गठन भएको छ । गत असार ८ गजे वानेश्वरमा भएको भेलाले चिफ एडभाईजर तथा बर्ष २०२४-२५ का द्वितिय भाईस गभर्नर लायन रत्न पराजुली को उपस्थितिमा लायन सुन्दर देवकोटा को अध्यक्षतामा लायन्स क्लब अफ काठमाडौं सर्भेयर्स नेपाल गठन भएको थियो भने प्रथम उपाध्यक्षमा नारायण सुवेदी, द्वितिय उपाध्यक्ष डोजेन्द्र काफ्ले, सचिव हेमराज के सि र कोषाध्यक्षमा धनसुदन न्यौपाने रहने छन ।

सर्भे पेशामा रहेका र समाजसेवी भावना भएका कर्मचारीहरुको पहलमा विशुद्द समाजसेवा गर्ने उदेश्यले लायन्स क्लव अफ सर्भेयर गठन गरिएको क्लवका मनोनीत अध्यक्ष सुन्दर देवकोटाले वताउनु भयो । पछिल्लो समय कर्मचारीलाई समाजले हेर्ने दृष्टिकोण फरक रहेको भन्दै उहांले त्यसलाई चिर्न पनि आफुहरु लायन्समा लागेको बताउनु भयो ।

लायन्स क्लव अन्तराष्ट्रियको मर्म र भावना अनुसार एउटै पेशामा आवद्द रहेका सर्भेयरहरुको साझा क्लव (स्पेसियालिटी क्लव) वनाउने उदेश्यले लायन्स क्लव अफ काठमाडौं सर्भेयर्स नेपाल गठन गरिएको चिफ अफ एओजी हरि चन्द्र तिवारीले वताउनु भएको थियो ।

आफ्ना लागी एकदमै खुशी र उत्साहको क्षण रहेको वताउदै लायन्स क्लव अफ काठमाडौ साझा फुलवारीका अध्यक्ष कमल बहादुर खत्रीले सर्भेयर साथीहरुलाई शुभकामना दिनु भयो ।

डिस्ट्रिक्ट ३२५ एम का चिफ एडभाईजर रत्न पराजुलीले, निजामती सेवामा रहेर समाज सेवा गर्न आतुर तपाईहरु विश्वकै सबैभन्दा ठुलो यस पवित्र समाजसेवी संस्थामा जोडिनु भएकोमा बधाई दिन चाहन्छु भन्दै क्लवको उज्वल भविश्यको कामना गर्नु भएको थियो ।