काठमाडौं । लायन्स क्लव ईन्टरनेशनल डिस्ट्रिक्ट ३२५ एम अन्तर्गतको क्लव लायन्स क्लव अफ काठमाडौं वाईसधाराले आज विद्यार्थीहरुका लागी स्टेशनरी तथा छात्रवृती बितरण गरेको छ । कामनपा १६ अन्तर्गत रहेको जन जागृती ज्ञान रश्मी विद्यालयका नर्सरीमा अध्ययनरत ३० भन्दा बढी छात्र/छात्राहरुलाई स्टेशनरी तथा कक्षा ८ मा अध्ययनरत छात्रा अप्सरा ढकाललाई पढाउ अभियान अन्तर्गतको छात्रवृती वितरण गरेको थियो ।

विद्यालयमा प्राङ्गणमा आयोजित उक्त कार्यक्रम क्लवका वर्तमान अध्यक्ष सुमित्रा केसी को सभापतित्वमा भएको थियो भने अतिथीहरुमा विद्यालय व्यवस्थापन समितीका अध्यक्ष उद्दव वल्लभ पन्त, डिस्ट्रिक्ट ३२५ एमका डिपार्टमेन्ट हेड तथा क्लवका संस्थापक अध्यक्ष मन्दिरा खनाल पौडेल, एडिसनल क्याविनेट सेक्रेटरी ईश्वर अर्याल, जोन चेयर पर्सन भवानी खतिवडा लगायत क्लवका अन्य सदस्यहरुको उपस्थिती रहेको थियो ।

समाज सेवी तथा जन जागृती ज्ञान रश्मी स्कुलकी प्रधानाध्यापक मन्दिरा खनाल पौडेलले आफ्नो पिता दुर्गा प्रसाद खनालको सम्झनामा राख्नु भएको पढाउ अभियान अन्तर्गतको अक्षय कोषबाट जेहेन्दार छात्र/छात्राको लागी हरेक बर्ष यो छात्रवृद्दि प्रदान गरिदै आएको छ ।

डिस्ट्रिक्ट गभर्नर चण्डी प्रसाद अर्याल र पुर्व गभर्नर महेन्द्र पौडेलले कार्यक्रम सफलताको लागी दिनु भएको शुभकामना सन्देश कार्यक्रम संचालिका मिना गौतमले वाचन गर्नु भएको थियो ।

समाज सेवामा अग्रसर लायन्स क्लव अफ काठमाडौ वाईस धारा बागमती क्षेत्रका क्लवहरु मध्ये अग्रपंङ्तीमा पर्दछ ।