काठमाडौं । संयुक्त राष्ट्रसङ्घका महासचिव एन्टोनियो गुटेरेसले बङ्लादेशको घटनाक्रमलाई नजिकबाट नियालीरहेको जनाउँदै विरोध प्रदर्शनमा ज्यान गुमाउनेहरु प्रति शोक व्यक्त गर्नुभएको छ ।

महासचिव गुटेरेसले घटनामा संलग्न सबै पक्षलाई शान्ति र संयमता अपनाउन आग्रह गदै शान्तिपूर्ण, व्यवस्थित र लोकतान्त्रिक महत्वमा जोड दिनुभयो । उहाँले प्रधानमन्त्री शेख हसिनाको राजीनामा सम्बन्धी सेना प्रमुखको घोषणा र अन्तरिम सरकार गठन गर्ने योजनासहित देशका घटनाक्रमलाई नजिकबाट निगरानी गरिरहेको उहाँको कार्यालयबाट जारी विज्ञप्तिमा उल्लेख गरिएको छ ।

महासचिव गुटेरेसका प्रवक्ताले विज्ञप्ती जारी गर्दै बङ्लादेशका जनताको पक्षमा रही उनीहरुको मानव अधिकारको संरक्षणका लागि आह्वान गर्नुभएको छ । बिगत लामो समय देखी बिद्यार्थीहरले कोटा प्रणालीको बिरोधमा आन्दोलन गरिरहेका छन । यसै बिच प्रधानमन्त्री शेख हसिनाले राजीनामा दिदै देश छोडेकी छन ।(गोरखापत्रबाट)