दोलखा ।
जिल्लास्थित कालिन्चोक गाउँपालिकाका अध्यक्ष अर्जुन शिवाकोटीले स्थानीय शिक्षकहरुलाई गरेको अमर्यादित व्यवहारप्रति नेपाल शिक्षक महासङ्घ दोलखाले आपत्ति प्रकट गरेको छ ।
गत मंसिर १४ गते गाउँपालिकाभरका प्रधानाध्यापकहरुको बैठकमा अध्यक्ष शिवाकोटीले प्रअहरुलाई तथानाम गाली गरेका थिए ।
सोही दिनको घटनालाई लिएर शिक्षक महासङ्घ दोलखाले आज विज्ञप्ति जारी गर्दै घटनाको घोर भत्र्सना गरेको हो । महासङ्घका अध्यक्ष पदमबहादुर जिरेलले विज्ञप्ति निकालेर आइन्दा यस्ता घटना दोहोरिए जनप्रतिनिधिविरुद्ध प्रतिवाद गर्ने पनि उल्लेख गरेका छन् ।
उनले विज्ञप्तिमा सबै शिक्षकहरुलाई आफ्नो परिभाषित काममा निष्ठापूर्वक लाग्न र विचलित नहुन आग्रह गरेका छन् ।
साथै उनले यो संघीय लोकतान्त्रिक गणतन्त्र व्यवस्था ल्याउन कर्मचारी र शिक्षकको पनि ठूलो भूमिका रहेको उल्लेख गर्दै जनप्रतिनिधिहरुले उनीहरुको आत्मसम्मानमा चोट पुर्याउन नहुने बताएका छन् ।
