काठमाडौं । काठमाडौं महानगरको शिक्षा विशेष कार्यक्रम “किताब विनाको शुक्रवारे कार्यक्रम (बुक फ्रि फ्राईडे)” अन्तर्गत कामना ईन्टरनेशनल स्कुलले हरेक शुक्रवार बिबिध मनोरञ्जनात्मक कार्यक्रम गर्दै आईरहेको छ । यसै अन्तर्गत आज कामना स्कुलले आफ्ना बिद्यार्थीहरुको लागी वनभोज (पिकनिक) कार्यक्रम आयोजना गरेको थियो ।

जस अन्तर्गत कक्षा १ सम्मको लागी वनभोज स्थल थानकोट त्रिभुवन पार्कमा र कक्षा २ देखि १० सम्मको लागी वनभोज, आन्तिरक पर्यटकिय स्थल घ्याम्पेडाडा भक्तपुरमा लगिएको थियो । जसमा वनभोज स्थलमानै हाडी फुटाई, वेलुन रेश, वेलुन फुटाई र हाईकिङ आदि कार्यक्रमहरु आयोजना गरि विद्यार्थीहरुलाई भरपुर मनोरञ्जन गराईएको कामना फाउन्डेशनका शैक्षिक निर्दैशक लक्ष्मण पाण्डेले वताउनु भयो ।

यस्ता कार्यक्रमले वालवालिका र शिक्षक/शिक्षिका बिचको सम्वन्ध प्रगाढ वनाउने र शिक्षक/शिक्षिकाहरु भनेका सहजकर्ता तथा सहयोगी साथी जस्ता हुन भन्ने भावना वालवालिकामा विकास हुने कामना फाउन्डेशनका प्रिन्सिपल नवराज पाण्डेले वताउनु भयो ।

विद्यार्थीलाई सैद्दान्तिक ज्ञान कक्षा कोठामा र व्यवहारिक ज्ञान समाज/समुदायबाट दिलाउने, यस फाउन्डेशनको लक्ष्य रहेको निर्देशक हरिचन्द्र तिवारीले वताउनु भयो ।

हरेक हप्ताको शुक्रवार कामना स्कुलले बिबिध कार्यक्रम गर्दै आएकोमा, गतहप्ता म्युजिकल चेयर कार्यक्रम गरि विद्यार्थीलाई मनोरन्जन प्रदान गराएको थियो ।

काठमाडौं सानो भर्याङग स्थित कामना ईन्टरनेशनल स्कुल/कलेज यस क्षेत्रकै बिश्वासिलो शैक्षिक गन्तव्यको रुपमा परिचित छ ।