काठमाडौं । हेयर प्रोडक्टको ब्राण्ड स्ट्रिक्स प्रोफेसनलले काठमाडौंमा मेगा शो २०२४ को पाँचौँ संस्करणको आयोजना गरेको छ । पाँचौँ संस्करणमा ब्राण्ड सेलुनिस्ट र सौन्दर्य व्यवसायीलाई शिक्षित गर्ने प्रतिबद्धता रहेको कम्पनीले जनाएको छ । गत वर्ष पनि कम्पनीले काठमाडौंमा सोही प्रकृतिको कार्यक्रम आयोजना गरेको थियो ।

यसपटक स्ट्रिक्स प्रोफेसनलले आफ्ना नयाँ उत्पादन बजारमा सार्वजनिक गरेको छ । साथै कपालको कलात्मक डिजाइनका नयाँ उत्पादन पनि सार्वजनिक गरेको छ । मेगा शोमा नेपालभरिका सैलुन व्यवसायीको उपस्थिति थियो । कार्यक्रममा कपालको अत्याधुनिक डिजाइन, कलरिङ, रचनात्मकता, सीप विकासबारे जानकारी प्रदान गरिएको थियो ।

मेगा शो २०२४ ले सैलुनिस्टलाई हेयर कट, रंग र नयाँ शैलीमा अन्तर्राष्ट्रिय फेसनको अभ्यासबारे प्रशिक्षण दिइएको थियो । कार्यक्रममा स्ट्रिक्स प्रोफेसनलको स्पेक्ट्रम कलेक्सनबाट छवटा आकर्षक लुक्सको अनावरण र स्ट्रिक्स प्रोफेसनल अर्गन सिक्रेट्स हाई लिफ्ट शेड्स, हृयुम्याजिक नो अमोनिया हेयर कलर र फंगी कलरजस्ता नयाँ उत्पादन सार्वजनिक गरिएको थियो ।