काठमाडौं । वात्सल्य एभरेष्ट महिला भलिबल लिग (इडब्लुभिएल ) को दोस्रो संस्करणका लागि यसै साता खेलाडीको‌ अक्सन हुने भएको छ। इडब्लुभिएकी प्रमुख कार्यकारी अधिकृत (सिइओ) स्नेभी चापागाईले आइतवार प्रेस विज्ञप्ति जारी गर्दै बिहीवार खेलाडी अक्सन‌ हुने जानकारी दिएकी छिन्।

प्रत्यक्ष बोलकबोल प्रणाली अन्तर्गत टोलीले राष्ट्रिय स्टार खेलाडी, नवप्रतिभा र उदाउँदा खेलाडीबीचबाट आफ्नो टोली निर्माण गर्ने अवसर पाउनेछन् अपेक्षा आयोजकको रहेको छ।

‘६ वटा फ्रेन्चाइज टोलीको सहभागितासहित यो प्रक्रिया नेपाली महिला भलिबलको व्यावसायिक यात्रामा एक युगान्तकारी मोड सावित हुने अपेक्षा गरिएको छ,’ विज्ञप्तिमा‌ भनिएको छ।

इडब्लुभिएलको दोस्रो संस्करण भदौ २० देखि २८ काठमाडौंमा हुने यसअघि नै सार्वजनिक भइसकेको छ।
पहिलो संस्करण कर्णालीले जितेको थियो।