काठमाडौं । काठमाडौंको बुढानीलकण्ठमा किङ्स टी-टेन इण्डोर प्रतियोगिता आगामी आजदेखि आयोजना हुँदैछ । किङ्स क्रिकेट क्लबको आयोजनामा यही आज (शुक्रबार) साउन ९ देखि १७ गतेसम्म किङ्स टी-टेन इण्डोर क्रिकेट हुन लागेको हो । बुढानीलकण्ठ नगरपालिकास्थित रोयल स्पोट्र्स पार्कमा प्रतियोगिताका खेलहरू हुनेछन् । प्रतियोगिताको यो दोस्रो संस्करण हो ।

प्रतियोगितामा इण्डोर क्रिकेटकै सर्वाधिक ३२ टोलीको सहभागिता छ । हालसम्म आयोजित इण्डोर प्रतियोगितामा यो सर्वाधिक सहभागिता हो । सो अवसरमा आयोजक किङ्स क्रिकेट क्लबका अध्यक्ष मिलन थापाले प्रतियोगिताको उद्देश्य युथ क्रिकेट विकास गर्दै ग्रासरूट क्रिकेटलाई प्रोत्साहन गर्नु रहेको बताउनुभयो । प्रतियोगिताका टेक्निकल डाइरेक्टर रवीन्द्र गुप्ताले लिग र नकआउट चरणमा प्रतियोगिता सञ्चालन हुने बताउनुभयो ।

कुल ३२ टोलीलाई आठ समूहमा विभाजन गरिएको छ । हरेक समूहमा रहेका टोलीहरूले एकअर्कासँग एक/एक खेल खेल्नेछन् । त्यसपछि प्रत्येक समूहबाट शीर्ष टिम क्वाटरफाइनल पुग्नेछन् ।(हिमालय टाईम्स)