काठमाडौं । गत भाद्र २३ र २४ गतेको जेनजी आन्दोलन पश्चात देशको राजनैतीक परिस्थिती निक्कै तरल छ । युवाहरुको विशाल समुह पुराना दल र तिनका सरकार संचालन प्रकृयामा पुर्णतः असहमत छन । देशको यस्तो विषम परिस्थितीमा नागरीक समाजले सधै खबरदारी, चासो र सक्रिय सहभागिता जनाउनु पर्छ भन्दै, राष्ट्र राष्ट्रियता तथा राष्ट्र धर्मका सम्वन्धमा हरबखत चिन्तित राष्ट्रप्रेमी डा. सुन्दर सिं बोहोराले भोली काठमाडौंको शंखमुलमा, नागरीक समाज र जेनजी युवाहरुको पहलमा विशेष कार्यक्रम आयोजना गर्नु भएको, उहांको सचिवालयले जनाएको छ । कार्यक्रमको मुख्य विषय, यस्तो जटिल अवस्थामा नागरीक समाजले टलुटुलु हेरेर बस्न नहुने, जेनजीलाई उचित सल्लाह सुझाव दिनुपर्ने साथै उनिहरुको असल अभिभावक वनिदिनु पर्ने भन्ने रहेको जनाईएको छ ।

कार्यक्रम क्वालिटी व्याङ्केट बुद्दनगरमा आयोजना गरिने भएको छ । आयोजकका अनुसार उक्त कार्यक्रममा, पुर्व गृहमन्त्रि डा. भिम रावल, पुर्व न्यायधिश बलराम केसी, पुर्व आईजिपी सर्वेन्द्र खनाल, डा. भोला रिजाल, डा. किशोर खत्री, वरिष्ठ अधिवक्ता दिनेश त्रिपाठी, वैज्ञानीक कपिल पौडेल लगाएत देशका बिभिन्न बिधाबाट प्रबुद्द विद्वत वर्गको उपस्थिती रहने छ ।

कार्यक्रम युवा जेन-जी पिढिहरुले गत २३ र २४ गते ल्याईदिएको अभुतपुर्व परिवर्तन र यस पछि उत्पन्न परिस्थितिको बारेमा केन्द्रित हुनेछ । कार्यक्रममा युवा जेन-जी पिढिहरुको पनि उल्लेख्य सहभागीता रहने साथै उक्त कार्यक्रममा समाजका बिभिन्न तहमा रहेर समाजसेवा गर्ने समाजसेवीहरुलाई सम्मान तथा प्रमाण पत्र प्रदान गरिने भएको छ ।

यस कार्यक्रमका संयोजक, राष्ट्रप्रेमी डा. सुन्दर सिह बोहरा, जसले नेतृत्व बिकास तथा मानब संसाधनमा विद्यावारिधी गर्नु भएको छ, भन्नुहुन्छ, “देश अहिले बिषम परिस्थितिमा छ, राज्यको नीति बनाउने राजनीतिक दलहरु मुख दर्शक भएका छन, दल र तिनका नेताहरुको कालो कर्तुत र तिनले गरेको भ्रष्टचारले गर्दा, आमजनताको दलहरूतर्फको झुकाव निक्कै गिरेको छ, बिदेशी चलखेल बडेको छ, यस्तो बिषम परिस्थितिमा नागरिक समाज, जो आफु बुझ्छ र अरुलाई बुझाउन पनि सक्छ, त्यस्ता प्रबुद्ध ब्यक्तित्वहरूलाई एकिकृत गरी राष्ट्र र राष्ट्रियता बचाउन गरिएको यो एक नागरिक स्तरको कार्यक्रमका हो” । उहांको पहलमा यसअघि पनि यि र यस्ता थुप्रै कार्यक्रम आयोजना गरिएको थियो ।