दोलखा : दोलखामा निर्वाचन आचारसंहिता उल्लंघन भएको भन्दै निर्वाचन आचारसंहिता अनुगमन समितिले गठबन्धनमा रहेका दलहरुलाई पत्राचार गरेको छ ।
समितिले जिल्लामा राजनीतिक दलहरुले जनप्रतिनिधिहरुलाई आफ्नै कार्यक्षेत्रभित्र पर्नेगरी निर्वाचन परिचालन अभियानमा खटाउने लगायत आचारसंहित विपरीतका गतिविधि भैरहेका भन्दै त्यस्ता गतिविधिहरु नगर्न नगराउन अनुरोध गर्दै दलहरुलाई पत्राचार गरेको हो ।
सत्तारुढ गठबन्धनमा आवद्ध दललाई कात्तिक ६ गते नै पत्राचार गरिएको निर्वाचन आचारसंहिता अनुगमन अधिकृत एवम कोष तथा लेखा नियन्त्रकको कार्यालयका प्रमुख मुरारी निरौलाले जानकारी दिनुभयो ।
उहाँका अनुसार गठबन्धनले कार्यपालिका प्रमुख, उपप्रमुख र सदस्य समेत रहेका वडा अध्यक्ष, सदस्यसहित धेरै जनप्रतिनिधि र कर्मचारीहरुलाई निर्वाचनमा परिचालन गरेको पाइएको कारण पत्राचार गरिएको हो ।
आमसंचारमाध्यमबाट समाचार सार्वजनिक भएपछि पत्राचार गरिएको हो । कार्यान्वय भएको नभएको बारेमा भने निर्वाचन अधिकृतसँग समन्वय गरी आवाश्यक कदम चाल्ने निरौलाले बताउनुभयो ।
निर्वाचन कार्यालयले औपचारिकताका लागि मात्रै पत्र काटेको प्रतिपक्ष दल एमालेलको आरोप छ भने गठबन्धनका जन प्रतिनिधिहरु खुलेआम निर्वाचन परिचालनका लागि हिँडिरेहको पाइएको छ । कात्तिक ६ मा पत्र काटिएको भएपनि हालसम्म त्यसले कुनै काम गरेको छैन ।
Advertisement
