सरकारद्वारा २०८० को दशकलाई नेपाल भ्रमण दशक घोषणा

काठमाडौं । आगामी आवको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले यस्तो घोषणा गरेका हुन् । सरकारले २०८० सालको यो दशकलाई नेपाल भ्रमण दशक घोषणा गरेको छ । सरकारले सन् २०२५ लाई विशेष पर्यटन वर्षका रुपमा समेत घोषणा गरेको छ । सरकारले पर्यटन प्रवद्र्धन गर्न अन्तर्राष्ट्रिय स्तरका चर्चित व्यक्तिलाई बोलाउने समेत बताएको छ ।

अन्तर्राष्ट्रिय स्तरमा नेपालको प्रचार गर्ने विदेशी नागरिकलाई सगरमाथा विशेष सम्मान प्रदान गर्ने घोषणा समेत सरकारले गरेको छ । वि.सं. २०८० को दशकलाई नेपाल भ्रमण दशकको रुपमा मनाइने र पर्यटन प्रवर्द्धनका लागि अन्तर्राष्ट्रियस्तरमा चर्चित र ख्यातिप्राप्त व्यक्तिलाई आमन्त्रण गरी पर्यटन प्रवर्द्धनमा जोड दिने बताएका छन् । त्यस्तै, पर्यटन प्रवर्द्धनकै लागि विभिन्न विधाहरूमा सगरमाथा सम्मानको कार्यक्रम सञ्चालन गरिने बताइएको छ ।