चितवन । चितवनको राप्ती नगरपालिकाले नगर क्षेत्रको फाहोरलाई नगर भित्रै मलमा प्रयोग गरिरहेको छ । फोहोर व्यवस्थापनमा नयाँ शैलीले काम गर्दै आएको नगरपालिकाले कुहीने फाहोरलाई कम्पोष्ट मल उत्पादन गरी विक्री वितरणमा सहयोग गर्दै आएको नगर प्रमुख शमशेर लामाले बताउनुभयो ।

जापानी संस्था रिकिसी, नगरपालिका र शिव शक्ति सामुदायिक बनबिच भएको त्रिपक्षीय सम्झौताबमोजिम यहाँको फोहोर व्यवस्थापनबाट अहिले कम्पोस्ट मल उत्पादन भइरहेको छ ।वैज्ञानिक विधिबाट बनाइएको अर्ग्यानिक मल प्रति स्थानीय कृषकको आकर्षण पनि बढेको छ ।

मल उप्पादनसंगै विक्रि पनि सुरु भएको हो । प्रति केजि ३५ रुपैया पर्ने मललाइ नगरले १५ रुपैया अनुदान दिइ २० रुपैया प्रतिकेजि जनता समक्ष पुर्याउने भएको छ । ‘फाहोरलाई मल बनाएर उत्पादन र विक्री वितरण गर्दै आएका छौँ“ उहाँले भन्नुभयो–‘यसले फोहोर व्यवस्थापनमा सहयोग पुगेको छ ।“

यसैगरी कृषि सिचाईको लागि एक बर्षको अवधीमा एक सय थान डिपवोरीङ्ग वितरण गरेको छ । नगर क्षेत्रम कृषि सिचाईका लागि एक सय डिपवोरीङ्ग गरिएको जानकारी दिदै प्रमुख लामाले समुह मार्फत वितरण भएकाले यसबाट धेरै कृषकलाई सिचाईमा राहत मिलेको बताउनुभयो ।

कृषि क्षेत्रमा उत्पादनमा आधारीत अनुदान वितरण गरिएको जानकारी उहाँले दिनुभयो । फलफुल र दुध उत्पादनमा अनुदान दिदै आएको बताउदै उहाँले पालिका भित्र व्यवासीक रुपमा खेती र पशुपालन गर्दै आएका किसानहरुलाई उत्पादनको आधारमा अनुदान र सहयोग गरिएको बताउनुभयो ।
राप्ती नगरपालिकाको पहाडी क्षेत्र मौरी पालनका लागि उपयुक्त क्षेत्र भएको र मौरी पाल्ने कृषकहरु बढेका कारण कृषकलाई तालिम र मौरीका घार वितरण गरेको जानकारी दिनुभयो । ‘उत्पादनमा प्रोत्साहन गरेका छौँ“ उहाँले भन्नुभयो –‘उत्पादन भएको कृषि सामाग्रीको विक्री वितरणमा पनि समन्वय गर्दै आएका छौँ । “

पूर्वी चितवनको राप्ती नगरपालिका साबिकका पिप्ले, भण्डारा वीरेन्द्रनगर, कोराक र लोथर गाविस मिलेर बनेको हो जहाँ पहाडीदेखि समथरसम्मको विविधतायुक्त भूगोल छ । पूर्वमा मकवानपुर, पश्चिममा चितवनकै खैरहनी नगरपालिका, उत्तरमा महाभारत शृङ्खला हुँदै धादिङसँग जोडिने यो नगरपालिकाको दक्षिणमा चितवन राष्ट्रिय निकुञ्ज छ ।