काठमाडौं । मनसुनी वायुको प्रभावका कारण देशका पहाडी भूभागका थोरै स्थानमा हल्कादेखि मध्यम वर्षाको सम्भावना रहेको जल तथा मौसम विज्ञान विभागले पूर्वानुमान गरेको छ ।

मनसुनको न्यून चापीय रेखा पश्‍चिमतिर सरदर स्थानको आसपास र पूर्वतिर सरदर स्थानको दक्षिणतिर अवस्थित छ ।

आज दिउँसो देशभर आंशिकदेखि सामान्य बदली रहनेछ । देशका पहाडी भूभागका थोरै र बाँकी क्षेत्रका एक-दुई स्थानमा हल्कादेखि मध्यम वर्षाको सम्भावना छ ।

आज राति देशभर आंशिकदेखी सामान्य बदली रहनेछ । कर्णाली र सुदुरपश्‍चिमका केही, गण्डकीका थोरै र बाँकी प्रदेशका एक-दुई स्थानमा हल्कादेखि मध्यम वर्षाको सम्भावना छ ।

तसर्थ हावाहुरी, भारी वर्षा, मेघ गर्जन र चट्याङ, गेग्रान बहाव, बाढी, पहिरो तथा भूक्षयका कारण हुन सक्ने क्षतिबाट बच्‍न आवश्यक सतर्कता अपनाउन विभागले अनुरोध गरेको छ ।