काठमाडौं । केन्द्रीय अनुसन्धान ब्युरो (सीआईबी)ले नक्कली शैक्षित्र प्रमाणपत्रधारी डाक्टरमाथि चलाएको अपरेसनमा हालसम्म पाँच जना पक्राउ परेका छन् ।
Advertisement
सीआईबीका अनुसार नेपाली कांग्रेसका सांसद सुनिल शर्मासहित पाँच जना पक्राउ परेका हुन्। प्रहरीले बिहीबार साँझ थप दुई जना नक्कली प्रमाणपत्रधारी डाक्टर पक्राउ गरेसँगै पक्राउ पर्नेको संख्या पाँच पुगेको हो ।
स्रोतका अनुसार नक्कली शैक्षिक प्रमाणपत्र बनाएको आरोपमा रौतहटका रामबाबु यादव र एरिना यादव पक्राउ परेका हुन् ।
यसअघि प्रहीले सुनिल शर्मा, त्रिवि शिक्षण अस्पतालका डाक्टर अमित चौधरी र महोत्तरी घर भएका डाक्टर रञ्जितकुमार यादवलाई पक्राउ गरेको थियो ।
सीआईबीले नक्कली प्रमाणपत्रधारी डाक्टरहरुको अनुसन्धानका लागि अपरेसन ‘फोस्कट्रोट’ चलाएको छ ।
