काठमाडौं । “शिक्षक सेवा आयोगको सम्पुर्ण प्रक्रिया पूरा गरि म प्राथमिक तहमा स्थायी भएर आएको केही महिना समेत बितिसक्यो । मेरो शैक्षिक योग्यता स्नातकोत्तर प्रथम श्रेणी छ । म आधारभुत तहको विद्यालयमा सिफारिस भएर आएको छु ।अहिलेसम्म मैले कुनै विषय पढाउने भनेर प्रशासनले दैनिक कार्यतालिका समेत निर्माण गरेको छैन खाली भएको विषयमा मेरो दैनिकी बितिरहेको छ । मैले शिक्षण हैन जागीर गर्दैछु । मलाई यतिसम्म सोच आइरहेको छ म यो पेशा छोडेर विदेशतिर जाउ । शिक्षक पेशा प्रतिको मेरो वितृष्णा कसरी रुचिकर बनाउन सकिन्छ ? म कसरी गुणस्तर शिक्षा दिन सक्छु । पटक पटक अनुरोध गर्दा पनि प्रशासनले चाँसाे दिदैन !
कृपया नाम नलेखिदिनु होला मेरो आफ्नै भोगाइ हो”।

देशभरी छरिएर रहेका अधिकांस शिक्षकको भोगाई यस्तै छ । न समस्याको समाधान हुन्छ, न सुनुवाई नै । यस्तो अवस्थाबाट गुज्रिरहेको शिक्षकले कसरी गुणस्तरीय शिक्षा प्रदान गर्न सक्छ । हामि कहां ठिक उल्टो छ, सेवाहरुमा बिशिष्ट सेवा बनाईनु पर्ने शिक्षा सेवालाई, राज्यले नै नचिनेको ब्यबहार गरेको छ । यसले गर्दा सबै शिक्षक/शिक्षिका निराश छन् भने शिक्षा क्षेत्र तहस्-नहस् छ ।