काठमाडौँ । शिक्षकहरुको विशाल सहभागिता रहेको शिक्षक आन्दोलनलाई बिद्यार्थीका अभिभावक तथा बिभिन्न संघ/संस्थाहरुले समर्थन जनाउने क्रम जारी छ भने, शिक्षकहरूको आन्दोलनका कारण आज पनि काठमाडौंको ट्राफिक व्यवस्थापन अस्तव्यस्त बनेको छ। माइतीघर मण्डलादेखि नयाँ बानेश्वरसम्म चल्ने सडकमा सवारीसाधन चलेका छैनन्।

नेपाल शिक्षक महासङ्घका अनुसार आज तेस्रो दिन माइतीघर मण्डलामा विरोध प्रदर्शन हुने छ। “देशभरबाट एक लाख भन्दा बढी शिक्षकहरू आन्दोलनमा सहभागी भएको र शिक्षक सहभागी हुने क्रम बढ्दो छ”, शिक्षक महासङ्घका महासचिव लक्ष्मी किशोर सुवेदीको दाबी छ।

शिक्षकहरुको विशाल सहभागिता रहेको शिक्षक आन्दोलनलाई बिभिन्न संघ/संस्थाहरुले समर्थन जनाउने क्रममा, सेन्टर फर डेमोक्रेटिक ईन्जिनियर नेपाल, प्रोग्रेसिभ ईन्जिनियर्स नेपाल, नेपाल ट्रेड युनियन काग्रेस, बिभिन्न बिद्यार्थी संगठनहरु लगायतले बिज्ञप्ती मार्फत व्यापक समर्थन जनाएका छन् । आर्थिक सामाजिक मानविय लगायत सर्वागिण पक्षको बिकासको आधारको रुपमा रहेको शिक्षा क्षेत्र र सबै भन्दा बढी मर्यादित एवम् प्रतिष्ठित बनाउनु पर्ने शिक्षण पेशा उपेक्षित हुनु दुखद बिषय हो । शैक्षिक क्षेत्रको सुधारका लागी सरकार आफै अग्रसर हुनुपर्नेमा शिक्षकहरु नै आन्दोलनमा जानुपर्ने बाध्यात्मक अवस्था आउनु सामान्य बिषय होईन भन्ने आशयका बिज्ञप्ति निकालेका छन् ।

“यसै बिच सामाजिक संजालको प्रयोग गर्दै देशका कुना-कुनाबाट बिद्यार्थी र तिनका अभिभावकले समेत शिक्षक आन्दोलनलाई पुर्ण समर्थन र सफलताको शुभकामना दिईरहेका छन्”, एक आन्दोलनरत शिक्षकले जानकारी दिनु भयो। सामाजिक संजालमा शिक्षक आन्दोलनलाई लिएर बिद्यालय बन्द गर्न नहुने धारणा आईरहेका बेला, समर्थकहरुले संजालबाट नै, चुनावका बेला ७ दिन बिदा दिदा पढाइ बिग्रिएन तर शिक्षकले आफ्नो हक हितको लागि विद्यालय बन्द गर्दा पढाइ बिग्रियो, भन्दै जवाफ दिईरहेका छन् ।