हाम्रो पूर्वीय दर्शनका महत्वपूर्ण र वैज्ञानिक विषयहरुमध्ये वास्तुशास्त्र पनि एक रहेको छ । वास्तुशास्त्र विज्ञानका साथै कला पनि हो। वास्तुशास्त्रमा घर, मन्दिर, कुवा, इनार आदि निर्माण गर्दा कति गर्ने र त्यसको परिणाम अर्थात् लम्बाई, चौडाई तथा उचाई इत्यादीको बारेमा पनि उल्लेख गरेको पाइन्छ, जुन हाल प्रचलित सिभिल इन्जिनियरिङसँग पनि वास्तुशास्त्रबाट प्रभावित रहेको छ । आज हामी यस लेखमा वास्तु शास्त्र अनुसार समुद्र किनारमा दौडिरहेको ७ वटा घोडाको चित्र लगाउँदा हुने फाइदा र यसलाई घर वा कार्यालयमा कता राख्नुपर्छ भन्ने विषयमा चर्चा गर्दैछौँ ।

१. समुद्र किनारमा दौडिरहेको ७ वटा घोडा भएको चित्र भएको तस्वीर घरको बैठक कोठामा राख्दा उत्तम हुन्छ ।

२. पूर्व दिशालाई घोडाको तस्वीर राख्नको लागि शुभ मानिन्छ, तर यो कार्यालयमा दक्षिण दिशामा राख्नु राम्रो हुन्छ ।

३. यो तस्वीर घरमा लगाउनाले घरमा लक्ष्मीको बास र सुख र समृद्धि हुन्छ ।

४. यसले नकारात्मक उर्जा हटाएर सकारात्मक उर्जा र सोचको सिर्जना गर्दछ ।

५. वास्तुशास्त्रका अनुसार चलिरहेको घोडाहरू गति, सफलता र सामर्थ्यको प्रतीक हुन्छन्। यसले जीवनमा उन्नति गराउँछ ।

नोट: सातको अंक धेरै शुभ छ । सप्त ऋषि, इन्द्र धनुषको सात रंग सात, सात वचन आदि कुराहरुले सात अंकको महत्वलाई दर्शाउँछ, त्यसैले सात घोडा भएको चित्र लगाउनु शुभ हुन्छ । घोडाको तस्विर प्रायः व्यापारिक संस्था र कार्यालयहरूमा राखिन्छ, त्यसैले जब पनि घरमा घोडाको तस्वीर राख्नुहुन्छ, वास्तु विशेषज्ञसँग परामर्श गरेर चित्र राख्दा शुभ होला । वास्तु विशेषज्ञले तपाईलाई सही तस्वीर र सहि ठाउँको बारेमा सही ज्ञान दिनेछ किनकि यो तपाईको घर हेरेर मात्र गर्न सकिन्छ । यदि तपाईं घोडाहरूको तस्वीर राख्न चाहनुहुन्न भने, तपाईं तैरिरहेको माछाको तस्विर पनि राख्न सक्नुहुनेछ ।