काठमाडौँ । शतप्रतिशत आन्तरिक प्रक्रियाबाट स्थायी गर्नुपर्ने माग गर्दै आन्दोलनरत राहत शिक्षकले सरकारले आफूहरूमाथि अन्याय गर्न खोजेको बताएका छन् । उनीहरूले अध्यापनरत शिक्षकको योग्यताको विषयमा प्रश्न गर्ने अधिकार सरकारलाई नभएको बताएका हुन् ।
संघीय शिक्षा विधेयकमा राहत शिक्षकलाई स्वतः स्थायीको प्रक्रियामा लानुपर्ने विषयमा उनीहरूले माग गरेकाछन् ।
शिक्षकले पेश गरेका यस्ता छन् आधारहरू
१, स्थानिय तहबाट परीक्षा पास गरेर आएको जुन संविधानमा प्रद्धत स्थानिय तहको अधिकार भएकोले ।
२, जुनबेला नियुक्ति लिए त्यसबेलाको पाठ्यक्रम हुनुपर्ने ।
३, त्रिभुवन विश्वविद्यालयका उपप्रध्यापकहरूलाई स्वतः स्थायी गरिएको थियो ।
४, न्याय सेवा र विशेष प्रहरीमा पनि स्वतः नियुक्ति गरिने प्रचलन छ ।
५, समयमा सरकारले आयोग नखुलाएकोले ।
६, स्थानिय आयोग पास गरेकोले ।
७, श्रम सम्बन्धी मौलिक हक भएकोले ।
८, ट्रेड युनियनले दिएको अधिकार ।
९,निरन्तर सेवारत भएकोले सबै सुविधा दिन पर्ने ।
१०,आन्तरिक प्रतिस्पर्धाबाट विस्थापितलाई श्रमको उच्च सम्मान गरी
विशेष सुविधा दिई विढाई गर्नुपर्ने ।
११, श्रम सम्बन्धी हकका कारण ।
१२, सामाजिक संरक्षणको हक ।
१३, ट्रेड युनियन सम्बन्धी सामुहिक सौदावाजीको हक ।