शिक्षक चढेको भ्यान दुर्घटना

काठमाडौं । शिक्षक आन्दोलनमा सहभागी हुन काठमाडौं आउँदै गरेका राहत शिक्षक चढेको भ्यान दुर्घटनामा परेको छ । सिन्धुलीबाट काठमाडौंतर्फ आइरहेको मधेश प्रदेश ०४–००१ ज ००६२ नम्बरको इलेक्ट्रिक भ्यान आज बिहान ८ बजे सडक किनारको नालीमा पल्टिएको हो ।

घाइतेहरुलाई थप उपचारका लागि धुलिखेलतर्फ पठाइएको सिन्धुली प्रहरीले जनाएको छ । चालकलाई प्रहरीले नियन्त्रणमा लिएको छ । घाइतेको अवस्था सामान्य रहेको सिन्धुली प्रहरी प्रवक्ता प्रहरी नायव उपरीक्षक चिरन्जीवी दाहालले जानकारी दिए ।