काठमाडौं । लायन्स क्लब अफ काठमाडौं साझा फुलवारीद्वारा क्लब अध्यक्ष कमल बहादुर खत्रीको शुभ जन्मदिनको अवसरमा डिस्ट्रिक्ट गभर्नर भिमलाल पौडेल, निबर्तमान गभर्नर महेन्द्र पौडेल सचिव वलराम सुवेदी लगायत डिस्ट्रिक्टका लायन लिडरहरु, क्लबका पदाधिकारीहरुको उपस्थितीमा रिड नेपाल संस्था कपनमा आश्रित बृद्द-बृद्दाहरुका लागी खाद्यान्न सहयोग साथै सुकेधारा नयां बगैचामा वृक्षारोपण तथा गोडमेल सम्पन्न गरेको छ ।

सोहि अबसरमा “लायन्स क्लब अफ काठमाडौं साझा फुलवारीले गर्दै आएको सामाजिक कार्य देखि आफु खुशी रहेको” डिस्ट्रिक्ट गभर्नर पौडेलले बताउनु भयो । लायन्स क्लब अफ काठमाडौं साझा फुलवारीले समय-समयमा बिबिध सामाजिक कार्य गर्दै आईरहेको छ । साझा फुलवारीले क्लब अध्यक्ष कमल बहादुर खत्रीको शुभ जन्मदिनको अबसरमा यि छुट्टाछुट्टै दुई कार्यक्रम सम्पन्न गरेको छ ।

स्मरण रहोस्, लायन्स क्लब ईन्टरनेशनल डिस्ट्रिक्ट ३२५ एम द्वारा लायन बर्ष २०२३/२४ को लायन नेतृत्व बिकास कार्यक्रम (LLC) २०२३ पोखरामा सम्पन्न भएको कार्यक्रममा पुरुष तर्फ उत्कृष्ट प्रदर्शन गर्दै साझा फुलवारीका अध्यक्ष कमल बहादुर खत्री प्रथम र महिला तर्फ काठमाडौं देउरालीकी संचिता बास्कोटा प्रथम भएका थिए ।