काठमाडौं । सानोभर्याङग स्थित कामना ईन्टरनेशनल क्याम्पसले आज राष्ट्रिय नाचघर जमलमा नवआगन्तुक कक्षा ११ बिद्यार्थीलाई स्वागत र कक्षा १२ उत्तीर्ण बिद्यार्थीहरुलाई बिदाई कार्यक्रम आयोजना गरेको थियो ।

राष्ट्रिय नाचघरमा आयोजित उत्त कार्यक्रममा प्रमुख अतिथी प्रदीप कुमार राई (ब्याकुल माईला) रहनु भएको थियो भने कार्यक्रमको सभापतित्व कामना फाउण्डेशनका अध्यक्ष पदम प्रसाद भट्टराईले गर्नु भएको थियो तथा कार्यक्रम संचालन कामना स्कुलका प्रिन्सिपल नवराज पाण्डेले गर्नु भएको थियो । समाजका बिभिन्न क्षेत्र तथा काठमाडौं उपत्यकाका उत्तरी भेगका बिद्यालयका संचालकहरुको बाक्लो उपस्थिती रहेको उक्त कार्यक्रममा बिद्यार्थीहरुले बिभिन्न नृत्यहरु प्रस्तुत गरेका थिए ।

कार्यक्रममा प्रमुख अतिथी, राष्ट्रिय गानका रचनाकार तथा नेपाली जनजनका ढुकढुकी ब्याकुल माईलाले, यस्तो उत्कृष्ट कार्यक्रममा सहभागी हुन पाउदा निक्कै खुशी लागेको र शैक्षिक क्षेत्रमा आफ्नो छुट्टै पहिचान बनाएको कामना ईन्टरनेशनल स्कुल तथा कलेजमा अध्ययन गर्न पाउनु बिद्यार्थी भाई बहिनीहरुको शौभाग्य हो भन्दै आफुले प्राप्त गरेको ज्ञान आफ्नै देशमा प्रयोग गर्न समेत बिद्यार्थीहरुलाई अनुरोध गर्नु भयो । कार्यक्रमका संयोजक तथा कामना क्याम्पसका क्याम्पस प्रमुख महेश श्रेष्ठले नवआगन्तुक बिद्यार्थीहरुलाई स्वागत गर्दै, बिदाई हुन लागेका बिद्यार्थीहरुलाई सुन्दर भविश्यको शुभकामना दिदै, भोली कुनै न कुनै रुपमा कामना जोडिईरहनु हुनेछ भन्ने आशा राखेको बताउनु भयो ।

काठमाडौं सानो भर्याङग स्थित चिरपरिचित स्कुल कामना बिद्यार्थीहरुलाई किताबी ज्ञान मात्रै सबैथोक नरहेको भन्दै अन्य बिबिध कार्यक्रम पनि समय-समयमा गर्ने गरेको कामना फाउन्डेशनका एकेडेमिक ईन्चार्ज लक्ष्मण पाण्डेले बताउनु भयो । यस कामना ईन्टरनेशनल स्कुलमा पढ्न पाउनु हामि बिद्यार्थीको सौभाग्य रहेको जनाउदै बिद्यार्थी सजिना कोईरालाले स्वागत मन्तब्य दिनु भएको थियो ।

कार्यक्रममा कामना फाउन्डेसनका तर्फबाट अतिथी, बिशेष अतिथी तथा प्रमुख अतिथीहरुलाई मायाको चिनो प्रदान गरिएको थियो ।