अहिले संसदमा विद्यालय शिक्षा विधेयक, २०८० को विषयमा सैद्धान्तिक छलफल चल्दैछ। संसदको सिनारियो हेर्दा कस्तो देखिन्छ भने काँग्रेसका सांसदहरु अलिकति भएपनि शिक्षकको पक्षमा उभिएका देेखिन्छन् तर अन्य दलका सांसदहरुले भने उल्टै शिक्षकको हुर्मत काढिरहेको देखिन्छ। यसलाई आम शिक्षकले नोटिसमा राखिरहनु पर्ने जरुरी देखिन्छ।

शिक्षाविद्हरूले शिक्षा विधेयक २०८० का बारेमा दिएका सुझावहरू:-
१.शिक्षणमा रुचि कम भएका शिक्षकलाई २० वर्षमा नै अवकाश तथा अनिवार्य पेन्सन दिने ।
२.शिक्षण पेसाप्रतिको आर्कषण वृद्धि गर्ने र शिक्षणमा रुचि नभएका व्यक्तिहरुलाई जागिरका लागि अलमलिने ठाउँ हुन नहुने ।
३.शिक्षक भनेको दलीय राजनीतिक, जातजाती, धर्म र सप्रदायभन्दा माथि उठेर चिन्तन र व्यवहार गर्न सक्ने पेशाकर्मी हुनु पर्ने ।
४.शिक्षक छनौट गर्दा नै शिक्षणप्रतिको लगाव जाँचिन पर्ने ।
५.पाँच बर्षमा शिक्षण अनुमति पत्र नवीकरण गर्ने व्यवस्था गर्नु पर्ने ।
६.शिक्षणलाई कर्मचारी जस्तो तहगत रुपमा हेर्न नहुने र तहको आधारमा नभई योग्यताका आधारमा र कमसे कम चिकित्सक सरह शिक्षकको तलब सुविधा हुनु पर्ने ।
७.उच्च उपलब्धि हासिल गर्ने स्नातक वा स्नातकोत्तर गरेकालाई शिक्षणतर्फ आर्कषित गरी उनीहरुलाई विश्वस्तरको शिक्षक बन्नको लागि तयार र उत्प्रेरित गर्ने ।