काठमाडौँ । पूर्वराजा ज्ञानेन्द्र शाहले सर्वसाधारणलाई टीका लगाइदिएका छन् । विजया दशमीको अवसरमा शाहले दशैँको टीका लगाइदिइएका हुन् ।
टिका लगाउन सर्वसाधारणहरू निर्मल निवास पुगेका थिए ।
दिउँसो ४ बजेदेखि शुभेच्छुक तथा सर्वसाधारणलाई टिका लगाइ दिइरहेका छन् । पूर्वराजा ज्ञानेन्द्र शाहले दशैँको अवसरमा सर्वसाधारणलाई टीका लगाइ दिँदै राजनीतिबारे संकेत गरेका छन् । मङ्गलवार अपराह्न ४ बजेबाट पूर्वराजा शाहले विजया दशमीको टीका सर्वसाधारणलाई लगाइदिएका हुन् ।
पूर्वराजाले टीका लगाइदिँदै राजनीतिबारे संकेत गर्दै देशमा भइरहेको गतिविधिबाट पाठ सिकेर अघि बढ्न सुझाव दिएका छन् ।
उनले भने, ‘सम्पूर्ण दिदीबहिनी तथा दाजुभाइहरूमा दसैँको शुभकामना दिन चाहन्छु । धेरै भन्नु पनि हुँदैन, सप्तमीको दिनमा भनेको छु । हामीले पाठ पनि सिक्नुपर्नेछ । छिनछिनमा भुइँचालो पनि आइरहेको छ । विचार गर्नुस् ।’
पूर्वराजा शाहको हातबाट टीका ग्रहण गर्न निर्मल निवासमा सर्वसाधारणहरूको लाइन लागेको थियो ।
